QR-kodtar úleskerlerdiń quqyǵyn qorǵaıdy

Iаǵnı kompanııa kepildik berý týraly shartyn jasasqan Qazaq­stannyń qurylys salýshylary biregeı QR-kody bar sertı­fıkattardy alatyn bolady, ony skanerlep, satyp alýshylar sertıfıkattyń túpnusqalyǵyn Biryńǵaı operatorynyń www.khc.kz saıtynda teksere alady. Qurylys salýshylarǵa tuty­nýshylarmen óz baılanys arnalarynda QR-kodtardy paıdalaný quqyǵy beriledi.

«Tutynýshylardyń quqyq­taryn qorǵaý jáne josyqsyz qu­rylys salýshylardyń tarapynan alaıaq­tyq áreketterdiń aldyn alý maq­satynda QTK-nyń árbir kepil­digi biregeı QR-kodqa ıe bo­lady. Bul adamdarǵa berilgen sertıfıkattyń túpnusqalyǵyna kóz jetkizýge múmkindik beredi. Jalpy, bizdiń tarapymyzdan qazir turǵyndar men qurylys salýshylardy turǵyn úı qurylysyna kepildik berý mehanızmi jáne bul quraldyń qurylys toqtap qalǵan jaǵdaıda eki jaqqa da qalaı kómektese alatyndyǵy týraly aqparattandyrý boıynsha úlken jumys júrgizilýde. Ásirese, óńirlerge erekshe kóńil bólýdemiz», dedi «QTK» AQ bas­qarma tóraǵasy Rýstam Isaev.

Úleskerlerdiń qarajatyn tartý úshin Turǵyn úı qurylysy­na úlestik qatysý týraly zańy­na sáı­kes qurylys salýshylar úsh tásildiń birin paıdalanýy tıis ekenin esterińizge salamyz: Biryńǵaı operatordyń (QTK) kepildigin alý; Ekinshi deńgeıdegi banktiń jobaǵa qatysýy; Kóp páterli turǵyn úıdiń qańqasyn salǵannan keıin úleskerlerdiń aqshasyn tartý. Kóp páterli tur­ǵyn úılerdi salý úshin jeke jáne zańdy tulǵalardyń aqshasyn ózge tásildermen tartýǵa ty­ıym salynady. Sondaı-aq, tu­ty­nýshylarǵa Biryńǵaı opera­tor­dyń kepildikteri naqty qury­lys obektisine beriletinin bilý qajet. Iаǵnı bir qurylys salý­shynyń ártúrli obektilerge bir­neshe kepildiginiń bolýy múmkin. Sonymen qatar bir­ne­she kezekten nemese bloktar­dan tu­ratyn obektilerge de jeke kepil­dik­ter­diń berilýi múmkin. Búgingi tań­da Biryńǵaı operatormen Qazaqstan boıynsha 115 kepil-­
­dik berildi. 47 kepildik boıynsha obek­­tiler paıdalanýǵa sátti en­gizildi.

«Jaqyn arada qurylys salýshylardan jyljymaıtyn múlikti satýda deldal bolyp tabylatyn krisha.kz, homsters.kz, kn.kz, korter.kz sııaqty iri alań­darda QTK kepildiginiń ba­ry týraly belgiler ornaty­latyn bolady. Sonymen qatar Tengrinews.kz saıtynda qalalar men qurylys salýshylar boıynsha izdeý múmkindigimen biz­ben kepildendirilgen barlyq obek­tilerdiń tizimi bar arnaıy bólim ashyldy», dedi R.Isaev.

QR-kodty telefon kamerasy (iOS operasııalyq júıesin­de jumys isteıtin smartfondar úshin) nemese QR-kodty oqý­ǵa arnalǵan arnaıy qosymsha (Andriod operasııalyq júıesin­de jumys isteıtin smartfon­dar úshin) arqyly skanerleýge bolady.