Bıyl 10-ret uıymdastyrylǵan bul baıqaýda túrli sala jáne etnomádenı ortalyqtardyń ókilderi baq synady. Al is-sharanyń negizgi maqsaty memlekettik til saıasatyn júzege asyrýǵa baǵyttalǵan edi.
Konkýrstyń «Til maıtalmany» atty bas nomınasııasynda tanymal tarıhshy-ólketanýshy, «Qaraǵandy oblysynyń toponomıkalyq kartasy» zertteý jobasynyń ǵylymı jetekshisi Temirǵalı Arshabekovtiń aıy ońynan týdy.
Sonymen qatar atalǵan baıqaýdyń «Memlekettik til – memlekettik qyzmette» atalymynda Qaraǵandy oblystyq Polısııa departamentiniń resmı ókili Baqytjan Qudııarov, «Til jarshysy» nomınasııasy boıynsha Ortalyq Qazaqstan oblystyq gazetiniń tilshisi Jálel Shalqarov, «Úzdik telehabar» atalymynda Saryarqa telearnasynyń qyzmetkeri Maqsat Beısenaev úzdik shyqty. Temirtaý qalasyndaǵy «Okjetpes-T» JShS qyzmetkeri Ekaterına Ponomarenko «Til bilgiri» atansa, Saran qalalyq tilderdi damytý ortalyǵynyń oqytýshysy Áıgerim Túrkenova «Jas polıglot» atalymynda jeńimpaz atandy.
«Memlekettik til bızneste» synynda «Arda Media Group» ortalyǵynyń dırektory Ashat Tileýqulov júldege ilikse, Qaraǵandy tehnıkalyq ýnıversıtetiniń oqytýshysy Qarlyǵash Hamzınanyń mereıi «Úzdik oqytýshy» atalymynda ústem boldy. Jeńimpazdar alǵys hattarmen jáne aqshalaı syılyqpen marapattaldy.
