Onyń jumysy 23 qyrkúıekte jalǵasyp, 29 qyrkúıekte aıaqtalady. Is-sharaǵa Jastar jáne otbasy isteri komıtetiniń tóraǵasy Sh.A.Baımanov, sondaı-aq Dúnıejúzilik banktiń jobany basqarý tobynyń, Qazaqstan Respýblıkasynyń Strategııalyq josparlaý jáne reformalar jónindegi agenttiginiń, Eńbek jáne halyqty áleýmettik qorǵaý mınıstrliginiń ókilderi, jastardy damytý salasyndaǵy sarapshylar men jastar resýrstyq ortalyqtary qatysty.
Sessııa barysynda árbir qala men aýdan boıynsha NEET óńirlik derekter bazasyn qurý máseleleri, sondaı-aq jastardyń osy sanatyn esepteý ádisnamasy talqylandy.
Fasılıtasııalyq sessııanyń nátıjeleri boıynsha NEET sanatyndaǵy jastar tobyn, sondaı-aq osal toptarǵa jatatyn jastardyń negizgi qajettilikterin anyqtaý tásilderi boıynsha usynystar daıyndalady.
Sondaı-aq NEET sanatyndaǵy jastarmen jumys isteýge baǵyttalǵan ádistemelik quraldardy daıyndaý úshin NEET sanatyndaǵy jastardy anyqtaý, esepke alý jáne esepteý ádisnamasy jobasyna usynymdar ázirlenedi. Usynystar jınalady, jikteledi jáne usynymdar formatyna keltiriletin bolady.
Joba Qazaqstan Respýblıkasynyń Aqparat jáne qoǵamdyq damý mınıstrligi jáne Dúnıejúzilik banktiń jobany basqarý toby arqyly iske asyrylady.
«Egemen-aqparat»
