Kezdesý barysynda mınıstr Memleket basshysy Qasym-Jomart Toqaev jaqynda bolǵan Qazaqstan halqyna Joldaýynda kóshi-qon saıasatynyń jańa tujyrymdamasyn ázirleýge bastama bergenin, sondaı-aq, jalpy tarıhı Otanyna keletin qandastardyń beıimdelýine járdemdesýge qabiletti suraqtar ózektendirilgenin aıtty.
Budan basqa, Aıda Balaeva osydan buryn qandastarǵa Qazaqstan azamattyǵyn alý boıynsha tıisti qujattardy berý, qandastar qataryndaǵy jastar úshin Qazaqstannyń joǵary oqý oryndarynda beriletin kvotalar týraly memlekettik qyzmetter kórsetý rásimi men merzimderi aıtarlyqtaı jeńildetilgenin atap ótti.
Sonymen qatar, Aıda Balaeva qazaq halqynyń mádenıeti men tilin saqtaýdyń mańyzdylyǵyn atap ótti. Eske sala keteıik, О́zbekstanda álemdegi iri qazaq qaýymdastyqtarynyń biri turyp jatyr jáne ótken jyly Qazaqstannyń Aqparat jáne qoǵamdyq damý, Syrtqy ister mınıstrlikteriniń qoldaýymen osy eldiń astanasy Tashkentte «Abai Uii» mádenı-iskerlik úıi ashyldy.
Mınıstrmen kezdesýge О́zbekstan qazaq jurtshylyǵynyń kórnekti ókilderi, onyń ishinde respýblıkalyq Qazaq ulttyq mádenı ortalyǵynyń tóraǵasy S.Úsenov, akademık, professor Q.Seıdanov jáne basqalar qatysty.
