Zııatker urpaq zeıin qoıǵan Táýelsizdik sabaqtary

«30 jyl: Táýelsizdik – el tu­ǵyry» vırtýaldy telekópiri NIS-pen kóp jyldar boıy birlesip jumys istep kele jatqan seriktes mektep oqýshylarynyń da basyn qosty. Jıynǵa qatysýshylardy biriktirgen basty taqyryp – Tá­ýelsiz Qazaqstannyń jetistikteri jáne oqýshylardyń el bolashaǵy úshin jeke jaýapkershiligi. Elor­dadaǵy fızıka-matematıka ba­ǵytyndaǵy NIS-te sabaq Elba­synyń táýelsiz Qazaqstandy qurý men qalyptastyrýdaǵy mıssııa­synan bastaldy. Joǵary synyp oqýshylary aldaǵy otyz jylda ózderin qalaı kóretini tý­raly ujymdyq boljam jasady – óz eliniń naǵyz patrıot­tary, baqytty jáne tabysty mamandar. Almatydaǵy hımııa-bıologııa baǵytyndaǵy zııat­kerlik mekteptiń oqýshylary tarıh pániniń muǵalimi Gúlnur Kýlı­kenovamen birge sıfrly resýrs­tar negizinde respýblıkanyń aıtýly jetistikterin taldady. Sabaqqa qatysqan ońtústik m­egapolıstiń júzdegen joǵary synyp oqýshylary arasynda №148 jalpy bilim beretin mek­teptiń 11-synyp oqýshysy Dana Be­delbekova sabaqtyń bir demde ótkenin jáne res­pýb­lıkanyń jetistikterin sezinýge kómekteskenin jetkizdi.

– Sabaq barysynda meni álemdik kóshbasshylarǵa, sonyń ishinde Nursultan Nazarbaevqa arnalǵan bóligi erekshe qyzyqtyrdy. Be­deldi saıasatkerler, mysaly Mar­garet Tetcherdiń Tuńǵysh Pre­zı­dentimizdiń qyzmetine bergen joǵary baǵasy Nursultan Nazarbaev­tyń beıbitshilikti saq­taý isine jahandyq sheshimder usyn­ǵan qazirgi zamanǵy eń myqty jáne yqpaldy saıasatkerlerdiń qataryna kiretinin taǵy da dá­leldeıdi, – deıdi Almatydaǵy №107 mektep-lıseıiniń oqýshysy Bekzat Dildábekov.

Aqtóbedegi zııatkerlik mek­tep oqýshylary Semeı polıgo­nynyń jabylýy jáne Eýra­zııalyq ekonomıkalyq odaqtyń qurylýy sekildi ataýly oqıǵa­larǵa SWOT-taldaý jasady. Oqytýshy Bıbigúl Jakıeva «Qa­zaqstan tarıhy» pániniń mıssııa­sy – jas urpaqqa patrıottyq tárbıe berip, memleketti damytý úshin jeke jaýapkershilik qalyptastyratynyn atap ótti. Abaı, Balqash, Jezqazǵan, Saran, Sátbaev jáne basqa qalalar men aýyldardyń júzge jýyq jalpy bilim beretin mektepteri Qara­ǵandydaǵy NIS-tiń Táýelsizdik sabaǵyna qatysty.

– Otyz jyl ishinde elimizde úlken ózgeris boldy. Bilim men ǵylym salasyndaǵy tabysty jo­balar – Nazarbaev zııat­ker­lik mektepteri, Nazarbaev Ýnı­versıtet, «Bolashaq» baǵdar­la­masyn atap ótý kerek. Qazir «Bolashaq» baǵdarlamasy boıynsha Pensılvanııa ýnıversıtetinde hımııa magıstri dárejesin meńgerip jatyrmyn. Bul múmkindik te el táýelsizdiginiń arqasy, – dedi «Bolashaq» baǵdarlamasy boıynsha AQSh-ta bilim alyp jatqan hımııa pániniń muǵalimi Inabat Hamıtova.

Taldyqorǵanda ashyq sabaqtyń basty taqyryby – Eýrazııalyq ekonomıkalyq odaqtyń qurylýy boldy, oqýshylar EýrAzEO-nyń saıası, ekonomıkalyq, tehnolo­gııalyq mańyzyn jáne áleýmettik basymdyqtaryn taldady.

– Biz ulttyq ekonomıkamyzdyń Jahandyq álemdegi básekege qabilettiligin arttyrý boıynsha óz ıdeıalarymyzdy usyndyq, – deıdi 12-synyp oqýshysy Ámir Qýatuly.

Oralda Táýelsizdik mánmáti­nindegi álemdik din kóshbas­shylarynyń sezderi, sondaı-aq jahandyq konfessııaaralyq jáne mýltımádenı dıalogtiń qalyptasýy basty taqyrypqa aınaldy. Oqýshylardyń ózderi radıkalızmniń barlyq kórinis­terine turaqty ımmýnıtetti qa­lyptastyratyn bilimniń rólin erekshe atap ótti.

Saryaǵash aýdany Tólebı orta mektebiniń oqý­shysy Araı­lym Omarova Elbasynyń aza­mattyq beıbitshilik pen ult­aralyq kelisimge baǵyt­talǵan bas­tamalarynyń da ma­ńyzy zor ekenin aıtty. Shym­kenttegi fızıka-matematıka ba­ǵy­tyndaǵy mektepke Ońtústik Qazaqstan oblysynyń 60-tan astam jetekshi mektebi qosyldy.

Aqtaýda táýelsizdik qurdastary – hımııa pániniń muǵalimi Venera Sýrovseva jáne geografııa pániniń muǵalimi Mıras Qurbanǵalıev jastarǵa qoldaý kórsetý jáne jas­tar úshin ataýly baǵdarlamalar jasaý sııaqty memlekettik ba­symdyqqa oqýshylardyń nazaryn aýdardy. Semeıdegi NIS-te Tá­ýelsizdik sabaǵy Semeı ıadrolyq po­­lıgonynyń jabylýyna arnaldy.

– Bıyl Nursultan Nazarbaev­tyń álemdi ózgertken tarıhı Jarlyǵyna qol qoıylǵaly otyz jyl toldy. Táýelsiz Qazaqstannyń basty jetistikteriniń biri – po­lıgondy jabý. Sondyqtan bul oqıǵanyń sabaǵymyzdyń ta­qyrybyna aınalǵany zańdy, – dep atap ótti dırektordyń orynbasary Larısa Ábilqasymova.

Almaty qalasyndaǵy fızıka-matematıka baǵytyndaǵy mektepte oqýshylar Qazaqstan Res­pýblıkasynyń bitimgershilik qyzmet týraly zańyn zerdeleý úshin «Intellekt kartasyn» jasady. Qyzylorda oblysy J.Mahanbetov aýylynyń №143 orta mektep muǵalimi Indıra Mu­hanova NIS-tegi dál osyndaı sabaqtardyń patrıot bolýǵa úıretetinine senimdi. «Aýyl mek­tebi» jobasynyń ókil­deri – Katonqaraǵaı jáne Ulan aýdan­daryndaǵy orta mektep oqý­shy­lary men muǵalimderi Táýel­sizdik sabaqtary kúni О́ske­men­degi NIS partasyna «jaı­ǵas­ty».

Sabaqtyń basty qatysýshylary arasynda Nazarbaev zııatkerlik mektepterinde qyzmet etetin Táýelsizdik qurdastary bar. О́skemendik Nazerke Jumaǵazınova men taldyqorǵandyq Qaısar Nurbek, astanalyq NIS ókili Ánel Álibaı men Móldir Ahmetbekova el egemendigi táýelsizdik urpaq­taryna ómirlik jáne kásibı ta­bysqa sheksiz múmkindik ash­qanyn aıryqsha atap ótti. Pav­lodardaǵy NIS-tiń Táýelsizdik sabaǵy Pedagogıkalyq sheberlik ortalyǵynyń qoldaýymen oblystyq «ERTIS» telearnasynyń tikeleı efırinde kórsetildi. Pavlodar qalasynyń ákimi Asaın Baıhanov NIS oqýshylarynyń erekshe jaýapkershiligin atap ótti:

– Nazarbaev zııatkerlik mek­tebinde oqý – úlken mártebe. Tá­jirıbeli muǵalimderden bilim alyp, zamanaýı tehnıkalyq bazany ıgere otyryp, elimizdiń bolashaǵy úshin jumys isteıtin myqty býyn bolatyndaryńyz sózsiz, – dedi shahar basshysy.

Qytaı Halyq Respýblı­kasynan Táýelsizdik sabaǵyna Desheng School International seriktestik mektebi qosyldy, shetel­dik oqýshylar Qazaqstan­nyń táýelsizdik jyldaryndaǵy jetistikterimen tanysty. Tá­ýelsizdik sabaqtary Ulybrıtanııa, AQSh, Ońtústik Koreıa, Reseı, Sın­gapýr, Malaızııa, Túrkııa, Qytaı, Armenııa, О́zbekstandaǵy shet­eldik NIS seriktes mektepteri úshin de josparlanǵanyn aıta ketken lázim.