Qazaqstan • 20 Qyrkúıek, 2021

Memlekettik qyzmetti avtomattandyrý boıynsha jańa aqparattyq qyzmet paıda bolady

280 ret

kórsetildi

1 mın

oqý úshin

Memlekettik qyzmet isteri agenttigi «2021-2023 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyn iske asyrý týraly» 2020 jylǵy 10 jeltoqsandaǵy qaýlyǵa tolyqtyrýlar engiziletin QR Úkimeti qaýlysynyń jobasyn daıyndady, dep habarlaıdy Egemen.kz.

Botakóz BAQBERGEN

Memlekettik qyzmetti avtomattandyrý boıynsha jańa aqparattyq qyzmet paıda bolady

Atap aıtqanda, qujatty «E-qyzmet» ıntegrasııalanǵan aqparattyq júıesin damytý jáne jańǵyrtý jolymen tolyqtyrý josparlanýda.

«Bul joba aqparattyq júıeni odan ári jetildirýge baǵyttalǵan, ol bıznes-prosesterdi modeldeýdiń jáne kúıge keltirýdiń ıkemdi quralynyń kómegimen bıznes-prosesterdi resmı notasııalardy, modeldeýdiń baǵdarlamalyq qamtamasyz etýin, bıznes-prosesterdi monıtorıngileý men taldaýdy paıdalana otyryp, memlekettik qyzmettiń kadrlyq prosesterin avtomattandyrýdy qamtamasyz etedi», delingen túsindirmede.

Jobany qabyldaý 395 716 myń teńge kóleminde qarjylyq shyǵyndardy talap etedi.

Qaýly jobasy «Ashyq NQA» saıtynda jarııa talqylaý úshin 4 qazanǵa deıin ornalastyrylǵan.