Qoǵam • 20 Qyrkúıek, 2021

101 jastaǵy keıýana onlaın sanaqtan ótti

109 ret kórsetildi

Bala tárbıesi men qoǵamdyq eńbekterden de tasada qalmaǵan aıaýly analardyń biri – Túrkistan oblysy, Jetisaı aýdany, J.Eralıev aýyldyq okrýgine qarasty Báıterek eldi mekeniniń turǵyny Zabıra Smaılova. Aýyldyq okrýg mamandarynyń kómegimen Zabıra ájeıdiń áýleti halyq sanaǵyna onlaın tirkeldi, dep jazady Egemen.kz .

101 jastaǵy Zabıra Smaılova ájeı búginde aýyl turǵyndarynyń tutastyq ómiriniń ózekti mánine aınalǵan. 1920 jyly dúnıe esigin ashyp asharshylyq pen joqshylyqty, ekinshi Dúnıejúzilik soǵysty basynan ótkizgen keıýana 9 perzenttiń anasy. Beli qatyp, buǵanasy bekimeı jatyp tyń ıgerýge qatysyp, keıinnen ekinshi dúnıejúzilik soǵysta qan maıdandaǵy jaýyngerlerge qolynan kelgenshe kómek bergen Zabıra ájeı soǵystan keıingi jyldary turalap qalǵan aýyldardy qalpyna keltirý isine atsalysqan. Qolyna ketpen alyp shabyq shaýyp, masaq tergen. Dıirmende un ótkizip, mal da baqqan. Adal eńbeginiń arqasynda eldiń qurmetine bólenip, keńes dáýirinde ómir boıy kolhozda qarapaıym jumysshy bolyp, beli talmaı eńbek etken qarııanyń ómir joly kópke úlgi bolarlyqtaı. Búginde 101 jasqa kelgen qart ana elde jaqsylyqtyń tolastamaýyn tileıdi.

«Osyndaı toqshylyqta, beıbit elde ómir súrip jatqan sender baqytty urpaqsyńdar ǵoı. Oq pen ottyń qateri joq. Sondyqtan, qolda bar qundylyqtardy baǵalaı bilý kerek. Kezinde ash ta boldyq, jáýteńdep úreımen ómir súrdik. Búgin mine, óz erkimiz ózimizde. Táýelsiz elmiz. Barymyzǵa qanaǵat jasap, bolashaqqa jaqsy úmittermen ómir súre bileıik. Qashan da elimiz aman, jurtymyz tynysh bolsyn», degen Zabıra ájeı eldegi bolyp jatqan jaǵymdy jańalyqtardan da habardar ekenin bildirip, eldi yntymaq-birlikke shaqyrdy.

Zábıra ananyń 9 perzentten taraǵan 40 nemere men 120 shóbereniń úlken áýletke aınalǵanyn aıtýǵa bolady. Kezinde qolymen kanal qazyp, jer jyrtyp, maqta tergen, túıekesh te bolǵan ájeıdiń úlken uly Tólegen Smaılovtyń ózi búginde 70-ten asqan. Memlekettik esep – halyq sanaǵynyń júrgizilýin durys dep biledi. О́z otbasymen belsene qatysyp otyr.

«Sanaqtyń júrgizilýi ózimiz úshin mańyzdy. О́ıtkeni, osy sanaq arqyly bárimizdiń esebimiz júrgiziledi. Jalpymemlekettik esepke alynǵan soń bizdiń demografııalyq, ekonomıkalyq, áleýmettik jaǵdaıymyzǵa, ósimimizge qarap mektep, balabaqsha, aýrýhana, úı salady. Onyń ıgiligin ózimizdiń perzentterimiz, halqymyz kóredi», deıdi Tólegen Ábdiqadiruly.

Aıta keteıik, búginde Jetisaı aýdanynda jasy 100-den asyp, ǵasyrdy ǵasyrǵa jalǵaǵan 6 qarııa turady. Uzaq jasaýshylardyń 5-i qart ájeler bolsa, 1-i aqsaqal qarııa. Bári de tyl ardageri. Mańdaı terimen shól dalany gúldendirgen uzaq jasaýshylar jergilikti jerdegi ákimdikter arqyly jalpymemlekettik sanaqtan onlaın ótip otyr.

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar