«Bıyl, Memleket basshysynyń tapsyrmasy aıasynda, Azyq-túlik korporasııasy aýyl sharýashylyǵy ónimderin forvardtyq satyp alýdy júzege asyrdy. Sonyń arqasynda Azyq-túlik korporasııasynyń resýrstaryna 769,4 myń tonna kóleminde astyq jetkizýge kelisimshart jasaldy. Aýyl sharýashylyǵy taýaryn óndirýshilermen tolyqtaı esep aıyrysý úshin Azyq-túlik korporasııasy bıdaı satyp alý baǵasyn 3-synypty bıdaı úshin sapasyna qaraı 103-107 myń teńge aralyǵynda, 4-synypty bıdaı úshin 98 myń teńge, 2-synypty arpa úshin 87 myń teńge mólsherinde belgiledi. Azyq-túlik korporasııasynyń satyp alý baǵalary ishki naryqtaǵy aǵymdaǵy baǵalarǵa sáıkes keledi. Bul fermerlerdiń shyǵyndaryn salanyń odan ári damýyn qamtamasyz etetin rentabeldilik deńgeıimen óteýge múmkindik beredi», dedi Erbol Qarashókeev.
Mınıstrdiń aıtýynsha, Azyq-túlik korporasııasynyń satyp alý baǵasy kelisimsharttar jasasý kezinde baǵdar bolady. Bul astyq baǵasyn turaqty ustaýǵa múmkindik beredi.
