«Bul eki jeke tulǵanyń arasynda shyqqan daý. Turǵyn úıdi elektrondy aýksıon arqyly satyp alǵan jáne menshik quqyǵy tirkelgen adam burynǵy ıeleri úıdi bosatýy úshin sotqa júgingen. Sot talapty 2020 jyldyń 10 maýsymynda qanaǵattandyrǵan. Boryshkerge birneshe ret úıdi bosatý týraly eskertilgen. Sot sheshimin oryndaý kezinde qaıǵyly jaǵdaı oryn alyp, bes adam qaza tapty», dep jazylǵan habarlamada.
Osyǵan baılanysty jeke sot oryndaýshylardyń respýblıkalyq palatasy qyzmet babynda qaza tapqandardyń otbasy men jaqyndaryna qaıǵylaryna ortaqtasyp kóńil aıtty.
«Zardap shekkenderdiń otbasylary men kámeletke tolmaǵan balalary qaldy. Jeke sot oryndaýshylar qoǵamdastyǵy zardap shekkenderdiń otbasyna jan-jaqty qoldaý men kómek kórsetedi. Oqıǵanyń mán-jaıyn quqyq qorǵaý organdary tekserip jatyr», dep atap ótti palatadan.
Eske salaıyq, 20 qyrkúıek kúni Almatynyń Alataý aýdanyndaǵy «Aqbulaq» yqsham aýdanynda 1967 jyly týǵan er adam sot oryndaýshylaryna, ýchaskelik polısııa ınspektorlaryna jáne beıbit turǵyndarǵa oq jaýdyrdy. Bes adam qaza tapty. Atalǵan fakti boıynsha «Eki nemese odan da kóp adamǵa qatysty kisi óltirý» baby boıynsha tergeý bastaldy. Bul qylmys úshin 20 jylǵa deıin bas bostandyǵynan aıyrý nemese ómir boıyna bas bostandyǵynan aıyrý jazasy qarastyrylǵan.
Kúdikti arnaıy jasaqtyń qatysýymen ustaldy.
