Saýran APB-ne júk kólikteriniń qatysýymen bolǵan jol-kólik oqıǵasy týraly habarlama kelip tústi.
Derek QR QK 345-baby 4-bóligi «Kólik quraldaryn basqaratyn adamdardyń jol qozǵalysy nemese kólik quraldaryn paıdalaný qaǵıdalaryn buzýy» boıynsha SDTBT-de tirkeldi. Polıseıler oqıǵa ornyna kelip, qajetti is-sharalar keshenin ótkizdi.
Shymkent-Samara tas jolynyń 135 shaqyrymynda Shymkentten Túrkistanǵa qaraı bara jatqan DAF 460 júk kóliginiń júrgizýshisi DAF 105 júk kóligimen soqtyǵysqany anyqtaldy. Jol-kólik oqıǵasy saldarynan úsh adam alǵan jaraqattarynan oqıǵa ornynda kóz jumdy.
Fakti boıynsha sotqa deıingi tergeý amaldary júrgizilýde. DAF 460 avtokóliginiń júrgizýshisi qamaýǵa alyndy. Tıisti saraptamalar taǵaıyndaldy. Qazirgi ýaqytta tártip saqshylary oqıǵanyń barlyq mán-jaıyn anyqtap jatyr.
