Qaýlyǵa sáıkes, Nur-Sultanda 2021-2022 jyldardaǵy jylý berý maýsymy 23 qyrkúıekten bastalady.
Eske sala keteıik, elordada keıbir áleýmettik nysandar ótinishter negizinde jylý berý júıesine qosylǵan bolatyn. Onyń ishinde medısınalyq mekemeler, bilim berý nysandary, balabaqshalar jáne t.b. áleýmettik nysandardyń daıyndyǵy 100% quraıdy.
Sondaı-aq eldi mekenderdi gazdandyrý, jylý elektr ortalyqtaryn jańǵyrtý, JEO sý jylytý qazandyqtaryn gazǵa aýystyrý jumystary jalǵasyp jatyr. Jeke sektor turǵyndary úshin qalanyń barlyq aýdanynda kómir satatyn kompanııalar belgilendi.
«Qatty otyndy satyp alý kezinde dúrligýge jáne alypsatarlyqqa jol bermes úshin qoımalarda jetkilikti qor kólemi bar», dep jazady qala ákimdiginiń resmı saıty.
Bıyl «Kóktal-1», «Kóktal-2», «Temirjolshylar», «Agroqalashyq» eldi mekenderiniń turǵyndary gazǵa qosyldy. Qarasha aıyna deıin Ońtústik-Shyǵys, Promyshlennyı, Agroqalashyq (qosylmaǵan bólik) eldi mekenderiniń turǵyndary gazǵa qosylý múmkindigin alady. Sondaı-aq «QazTransGaz Aımaq» AQ Kúıgenjar, Mıchýrıno, Internasıonalnyı eldi mekenderinde gazben jabdyqtaý jelileriniń qurylysy júrip jatyr. Bul eldi mekenderdi jyl sońyna deıin gazben qamtamasyz etý josparlanǵan.
