Memleket basshysy Qasym-Jomart Toqaev Qazaqstan halqyna Joldaýynda qorshaǵan ortany qorǵaý men ekologııalyq damý máselesi elimizdiń damý baǵdarlamasynyń kún tártibinde birinshi orynda bolatynyn aıtty.
«Bul máselemen búkil órkenıetti álem aınalysýda. Sol sebepti biz odan tys qalmaýymyz kerek. Osyǵan sáıkes, aldaǵy bes jylda orman qorynda 2 mıllıardtan astam, al eldi mekenderde 15 mıllıonnan astam aǵash otyrǵyzylady dep josparlanýda. Bul aksııa elimizdi keń aýqymda kógaldandyrýǵa múmkindik beredi», degen edi Prezıdent.
Búgin S.Seıfýllın atyndaǵy Qazaq agrotehnıkalyq ýnıversıtetiniń aýmaǵynda professorlar alleıasy ashylady. Sol jerge ýnıversıtettiń jetekshi oqytýshylary men ardagerleri qaraǵaı otyrǵyzady. 55 professordyń qatarynda QR Parlamenti Senatynyń depýtaty Aqylbek Kúrishbaev, QazATÝ Basqarma Tóraǵasy Qaırat Aıtýǵanov, Basqarma tóraǵasynyń orynbasary-Rektor, Nur-Sultan qalasy máslıhatynyń depýtaty Aıtjan Ábdirov jáne taǵy basqa da belgili ǵalymdar bar.
