Qazaqstan • 22 Qyrkúıek, 2021

Shveısarııa elimiz úshin Eýropadaǵy ınvestısııalyq hab rólin atqarady

19 ret kórsetildi

El Premer-Mınıstriniń orynbasary – Syrtqy ister mınıstri Muhtar Tileýberdi bastaǵan qazaqstandyq delegasııanyń Shveısarııa Konfede­rasııasyna jasaǵan resmı sapary barysynda iri shveısarııalyq kompa­nııalardyń basshylarymen kezdesýler ótip, Qazaqstanda birqatar áleýeti joǵary ınvestısııalyq jobany iske asyrý máseleleri boıynsha naqty kelissózder júrgizildi.

Atap aıtqanda, M.Tileýberdi trans­ulttyq Ammann Group, Stadler Rail (mashına jasaý), KS Genetics, INOKS Capital (AО́K) jáne Sandoz (farmasevtıka) korporasııalary basshylarynyń qatysýymen kelis­sózder ótti. Osylaısha, Ammann Group basshylyǵymen kezdesý aıasynda, Dırektorlar keńesiniń tóraǵasy Iohann Shnaıder-Ammann jáne Bas atqarýshy dırektor Hans-Krıstıan Shnaıderge qazaqstandyq tarap jol tehnıkasy men quraýyshtardyń óndiri­sin oqshaýlaý arqyly Qazaqstandaǵy qyzmetti keńeıtý múmkindigin usyndy. Sandoz basshylyǵymen kelissózder barysynda kompanııa Qazaqstanda joǵary sapaly medısınalyq preparattar óndirisin qurý múmkindigin qarastyrý týraly málimdedi. INOKS Capital kompanııasynyń basshylyǵy agroónerkásip salasynda qosylǵan quny bar keshendi tizbek qurýǵa qyzy­ǵý­shylyq tanytty. Bıyl kom­­panııa «Qorǵas» AEA bazasynda ekstrýd­talǵan jemshóp óndirisin iske qosýdy josparlap otyr. Budan basqa, Almaty oblysynda jemis saqtaý qoı­malary men jemis óńdeý sehtaryn salý boıynsha jańa joba pysyqtalýda.

Sapar barysynda «KAZAKH INVEST» UK» AQ tarapynan KS Genetics kompanııasynyń prezıdenti Fılıppo Lombardımen Almaty oblysynda tolyq sıkldi eksportqa baǵ­darlanǵan ınnovasııalyq mal sharýa­shylyǵy keshenin qurý jobasy boıynsha, sondaı-aq Stadler Rail kompanııasy dırektor­lar keńesi­niń tóraǵasy Peter Shpýler­men shveı­sarııalyq bıznes­pen ınvestı­sııalyq yntymaqtastyqty keńeıtý boıynsha eki memorandýmǵa qol qoıyldy.

Budan basqa, qazaqstandyq tarap, SIM Investısııalar komıteti tóraǵasynyń m.a. Ardaq Zebeshev jáne «KAZAKH INVEST» UK» AQ basqarma tóraǵa­sy­nyń orynbasary Jandos Temirǵalı Burckhardt Compression, Clariant, Buhler, Polymetrix, Sika, Basel Euro Airport, sondaı-aq Economiesuisse, Swissem JCC, CCIG bıznes-qaýymdastyqtarymen kelissózder júrgizdi.

Búkil álem boıynsha 85 óndiristik alańy bar Clariant transulttyq hımııa­lyq kompanııasyna Qazaqstan óńir­lerindegi naqty ınvestısııalyq jobalar boıynsha usynystar jasaldy. Kelissózder qorytyndysy boıynsha ınvestorlar ónerkásiptik hımıkattarǵa álemdik suranystyń artýyn eskere otyryp, Qazaqstan aýmaǵynda óndiris ashýǵa qyzyǵýshylyq bildirildi.

Shveısarııanyń tamaq, hımııa jáne avtomobıl ónerkásibine arnalǵan jabdyqtardy eksporttaýshylardyń biri – Buhler kompanııasymen kelis­sózder barysynda Qazaqstannyń tıisti salalardaǵy ınvestısııalyq múm­kindikteri tanystyryldy, son­daı-aq ınvestısııalardy talap etetin jobalar pýly usynyldy. Kompanııa óz bólimsheleriniń biri retinde Jambyl oblysynda PET resıklıng zaýytyn salý boıynsha jobaǵa qatysýdy qaras­tyryp jatyr. 

Sika kompanııasynyń Eýropa, Taıaý Shyǵys jáne Afrıka makroóńirleri boıyn­sha basshysy Ivo Shedler Qazaq­stannyń ınvestısııalyq áleýetin joǵa­ry baǵalap, eldegi qyzmetti keńeıtý­ge qyzyǵýshylyǵyn atap ótti. Qazirgi ýaqytta kompanııanyń álem boıynsha 200-ge jýyq óndiristik alańy, sonyń ishinde Almaty, Nur-Sultan jáne Atyraý qalalarynda qurylys materıal­daryn óndirý boıynsha 3 obektisi bar.

Euroairport Bazel halyqaralyq áýe­jaıynyń vıse-prezıdenti Mıhael Shvınn Qazaqstannyń kólik-logıstı­kalyq áleýetin, atap aıtqanda tıisti ınfra­qurylymdyq nysandardy qura oty­ryp, transkontınentaldyq áýe júk­terin tasymaldaýdy damytý bo­ıynsha zor áleýetin atap ótip, yntymaq­tastyqtyń túrli nusqasyn usyndy.

Jalpy, Qazaqstannyń Shveısa­rııa­daǵy elshiligi uıymdastyrǵan qazaq­standyq delegasııasy kelissóz­deriniń qorytyndysy boıynsha shveısarııalyq bıznes tarapynan Qazaqstan Respýblı­kasymen yntymaqtastyqqa degen joǵa­ry qyzyǵýshylyq baıqaldy. Osy­laı­sha, CCIG Jeneva saýda-ónerkásip palatasynyń bas dırektory Vensan Sýbılııa Shveısarııa Qazaqstan úshin Eýropadaǵy ınvestısııalyq hab rólin atqaratynyn atap ótti.

2020 jyldyń qorytyndysy bo­ıyn­sha Shveısarııa Qazaqstanǵa tikeleı shet­eldik ınvestısııalar kólemi boıynsha 3-oryn, al Qazaqstanmen ekijaqty saý­­da kólemi boıynsha 10-oryn alyp otyr.

2021 jylǵy qarashada Qazaqstan Respýblıkasynyń Prezıdenti Qasym-Jomart Toqaevtyń Shveısarııaǵa resmı sapary kútilýde.

 

Sońǵy jańalyqtar

QHL: «Barys» «Vıtıazge» jol berdi

Hokkeı • Búgin, 19:35

«Egemenge» jazylyńyz – syılyq utyp alyńyz!

Egemen Qazaqstan • Búgin, 19:08

Kýrchatovta AES salynýy múmkin

Qazaqstan • Búgin, 18:02

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Uqsas jańalyqtar