Qazaqstandyq juldyzdyń balettik maýsymy tamyz aıynda Italııada bastalyp, onda ol «Roberto Bolle jáne onyń dostary» atty gala-konsertke qatyssa, taıaýda Rım operasy teatrynda alǵash sahnalanǵan belgili horeograf Rolan Petıdiń «Parıj Qudaı anasynyń sobory» baletinde Kvazımodo partııasyn usyndy. Endi daryndy ónerpaz Reseı, Iаmaıka jáne Aýstralııa elderinde óner kórsetedi.
Tanymal bıshiniń talantyna dán rıza bolǵan La Voce di New York ınternet-gazetiniń amerıkalyq tilshisi Marııa-Tereza Antonıossı óz maqalasynda ol týraly:
«Kesh shymyldyǵy Rıkkardo Drıgonyń mýzykasyna Marıýs Petıpanyń horeografııasyndaǵy «Korsarmen» ashyldy, sahnada – tańǵajaıyp Baqtııar Adamjan, ol óziniń jyldam qımyldarymen, sheber tehnıkasymen kórer-
di baýrap aldy...», dep jazypty.
О́reli óner ıesi bıylǵy 2 jáne 3 tamyz kúnderi joǵaryda aıtyp ótken «Roberto Bolle jáne onyń dostary» atty eki gala-konsertte, álemniń qos juldyzy – Vena operasynyń prıma-balerınasy Lıýdmıla Konovalova jáne Nıderland Ulttyq baletiniń prıma-balerınasy Maııa Mahatelımen birge sahnaǵa shyǵyp, tyńdarmandaryn jyly áserge bóledi. Sondaı-aq onyń «Parıj Qudaı anasynyń sobory» qoıylymyndaǵy Kvazımodo partııasy da kórermenderdiń kóńilinen shyqty.
− Aldaǵy qazanda Andrıs Lıepanyń shaqyrýymen Reseıdegi Kreml saraıynyń sahnasynda óner kórsetemin. Al qańtarda The Ballet International Gala jobasyna qatysýǵa Aýstralııaǵa baramyn. Bul aýqymdy sharaǵa sol eldiń memleket basshysy kóńil bólip otyr, sol úshin álemdik teatrlarǵa arnap úzdik alań jasaqtalǵan. Osynda birge óner kórsetýge trýppamyzdyń balet solısi Shuǵyla Ádephanǵa usynys jasadym. Qolymnan kelgenshe otandyq balettiń joǵarǵy deńgeıde ekendigin tanytý – maqsatym, − deıdi Baqtııar Adamjan.
