«Jalaqy qory degen uǵym joq. Jalpy, álemde qalaı jasalatyny týraly tájirıbe zertteldi, aýdarma qyzmetin uıymdastyrý maqsatynda avtorlyq quqyqty alý úshin qajetti qarajat eseptelip, sodan keıin basyp shyǵarý men taratýǵa jumsalady. Munda birneshe komponentter bar, eń qarapaıymy – basyp shyǵarý jáne taratý. Biz ashyq konkýrs ótkizdik, oǵan elimizdiń iri baspalary qatysty. Barlyq kitaptar Qazaqstanda basylyp shyqty», dedi Raýan Kenjehanuly OKQ brıfınginde.
Onyń aıtýynsha, aýdarma birneshe deńgeıden turdy.
«Bul tikeleı aýdarma qyzmeti, ári qaraı-ǵylymı jáne ádebı redaksııalaý, sodan keıin betteý jáne baspaǵa daıyndaý. Eń qıyn bóligi - quqyqtardy satyp alý, óıtkeni bul zııatkerlik menshik, sondyqtan kitap qunyn avtordyń ózi belgileıdi. Ár oqýlyq boıynsha jeke kelissózder júrgizdik. Eger árbir kitapqa jumsalatyn ortasha shyǵyndy qarastyratyn bolsaq, bul - 3860 teńge. Ár kitap orta eseppen 500-600 betten turady. Avtorlyq quqyqtarmen, aýdarmamen jáne mórmen, sondaı-aq taratýmen baılanysty barlyq shyǵystardy qosa alǵanda, jumsalǵan qarajat bir kitapqa 3860 teńgeni qurady», dep habarlady spıker.
«Munda qarapaıym arıfmetıka: bizde 100 oqýlyq bar, olardyń árqaısysy 10 myń tırajben basylǵan. Jobanyń búkil taralymy - bir mıllıon dana, bul shamamen 3,8 mlrd teńge», dep túıindedi R. Kenjehanuly.
