Solardyń biri – partııaishilik praımerızderdiń jeńimpazy, Túrkistan oblystyq máslıhatynyń depýtaty Dınara Egamberdıeva. Belsendi azamattyq ustanymyna súıene otyryp, «Bolashaq» baǵdarlamasy boıynsha Nottıngem ýnıversıtetiniń túlegi qysqa ýaqyt ishinde kóptegen ıgi is atqardy.
Ol óz esebinen Saıram aýdandyq aýrýhanasyna ókpeni jasandy tynystandyrý apparaty men 10 ottegi ballonyn satyp áperdi, 20 myń medısınalyq maska taratty. Sondaı-aq «Baqytty otbasy» partııalyq jobasy aıasynda 112 muqtaj otbasyny eń qajetti taýarlarmen qamtamasyz etti.
Partııanyń taǵy bir ókili –
Qostanaı oblystyq máslıhatynyń depýtaty Dınara Shúkijanova. Ol eńbek jolyn Sokolov-Sarybaı taý-ken baıytý óndiristik birlestigindegi Nur Otan partııasynyń aýdandyq fılıalynda bastap, sodan keıin «AgromashHoldıng KZ» AQ-ǵa aýysqan.
Onyń bastamasy boıynsha holdıng tarapynan erekshe qajettiligi bar balalardy beıimdeıtin lagerge aqsha aýdaryldy. Ol ınjener mamandardy oqytý úshin korporatıvtik ýnıversıtet ashýǵa bastamashy boldy. Sonymen qatar kásibı qyzmetinen bólek, Qostanaı qalasyndaǵy kámeletke tolmaǵandardy beıimdeý ortalyǵyna kómektesip, qaıyrymdylyqpen aınalysady.
Nur-Sultan qalalyq máslıhatynyń depýtaty Saltanat Djenalaeva da partııalas áriptesterinen qalyspady. Karantın kezinde ol elordadaǵy 500-den astam kópbalaly jáne az qamtylǵan otbasyny azyq-túlik, dári-dármekpen qamtamasyz etti. Sondaı-aq Jańaózen qalasyndaǵy gemodıalız ortalyǵyn zamanaýı jabdyqtarmen jaraqtandyrýǵa kómek kórsetti.
Aqtóbe qalalyq máslıhatyndaǵy Nur Otan partııasynyń depýtaty Ardaq О́tegenov «Qarǵaly» turǵyn alaby men Sarbaz aýylyn «Gaýhar» baý-baqsha ujymymen jalǵaıtyn 80 metrlik aspaly kópir saldy. Ol aýdandardy aralaı júrip, turǵyndar ózenniń arǵy betine ótý úshin qandaı qıyndyq shegip júrgenin kórgen. Bul máseleni sheshý úshin depýtat sapa men qaýipsizdik talaptaryna saı keletin berik kópir trostaryna tapsyrys berip, eki jaǵynan tereńdigi 4 metr shuńqyrlar qazdyryp, monolıtti betonmen quıdyrdy.
«Bizdiń barlyq tirshilik kózimiz – arǵy bette. Qalamen baılanys, avtobýs aıaldamalary, dúkender de sonda. Kúndelikti nanymyzdy satyp alý úshin de sol eski kópirden ótetinbiz. Al onyń sapasy kóńil kónshitpeıtin. Sondyqtan da biz eski kópirden ózen sýy taıazdap, tynyshtalǵanda ǵana ótip júrdik. Jańa aspaly kópir salyp, ıgi is jasaǵan depýtatqa alǵysymyz zor», deıdi «Gaýhar» baý-baqsha ujymynyń múshesi Tamara Muhambetııarova.
Eńbek jolyn qarapaıym júk tıeýshiden bastaǵan Nur Otan partııasy Atyraý qalalyq máslıhatynyń depýtaty Qarshyǵa Jaýymbaev 2006 jyly óziniń «Qara-Býra» aýyl sharýashylyǵy kásipornyn ashty. Aýyldastaryna únemi qolushyn sozyp kele jatqan ol karantın kezinde jalǵyzbasty qarttarǵa 100 myń teńgeden qarjylaı kómek kórsetip, myńnan astam muqtaj otbasyna dári-dármek jetkizdi.
Praımerızge belsene qatysqan Almaty oblystyq máslıhatynyń depýtaty Beket Ábishev az qamtylǵan 11 kópbalaly otbasynyń turǵyn úı máselesin sheshýge kómektesti. Ol osy otbasylarǵa arnap óz qarjysyna Qarasaı aýdanynda úı saldy. О́zi sportshy depýtat týǵan aýylynda áýesqoı fýtbol klýbyn uıymdastyrdy, kúrespen aınalysý úshin arnaıy zal jabdyqtap, okrýgtegi alǵashqy kókpar komandasyn jasaqtady.
Taǵy bir mysal retinde Shymkent qalalyq máslıhatynyń depýtaty, erekshe balalarǵa arnalǵan kómekshi mektep-ınternat dırektory Jadyra Tańatarova týraly derektermen bólise keteıik. Kópbalaly ana depýtattyq qyzmetten bólek, qaıyrymdylyqpen aınalysyp, muqtaj jandarǵa azyq-túlik sebetterin taratý, erekshe qajettilikteri bar balalarǵa arnaıy jabdyqtar satyp alý aksııalaryn uıymdastyrady. Depýtat turmys-tirshiligi qıyn 500-den astam otbasyna kómektesti.
Eske sala keteıik, ótken saılaýdyń qorytyndysy boıynsha barlyq deńgeıdegi máslıhattardaǵy Nur Otan fraksııalarynyń quramy 65%-ǵa jańardy. Partııa atynan saılanǵan depýtattardyń ortasha jasy 6 jylǵa jasaryp, 45 jasty qurady. Áıelder sany 11-den 30%-ǵa deıin, al 35 jasqa deıingi jastar sany 16-dan 23%-ǵa deıin artty.
