Mınıstr Kaspıı teńizinde kómirsýtegi shıkizatynyń iri qory bar ekenin atap ótti. Osyǵan baılanysty sý qoımasynyń ekologııasy men bıologııalyq resýrstaryn saqtaý máselesi kún tártibinde tur.
Qazaqstan qorshaǵan ortany qorǵaý salasyndaǵy yntymaqtastyqtyń sharttyq bazasyn keńeıtý maqsatynda birqatar hattamaǵa qol qoıdy. Solardyń biri - 2018 jylǵy 20 shildedegi Máskeýde Kaspıı mańy memleketteri qol qoıǵan transshekaralyq kontekste qorshaǵan ortaǵa áserdi baǵalaý týraly hattama.
Hattamaǵa sáıkes munaı óńdeý zaýyttary, jylý qýaty 300 megavatt nemese odan joǵary jylý elektr stansııalary men basqa da janý qondyrǵylary, atom elektr stansııalary men basqa da atom reaktorlary, avtomobıl joldaryn salý, rekonstrýksııalaý jáne basqa da qyzmet túrleri retteýge jatady. Sonymen qatar 1 shildede kúshine engen Ekologııalyq kodekste transshekaralyq ekologııalyq áserdi retteý, olardy júzege asyrý tártibi, quqyqtary men mindetteri bekitilgen. Sondaı-aq, qorshaǵan ortaǵa áserdi baǵalaý hattamasynda jáne respýblıkanyń Ekologııalyq kodeksiniń 81-babynyń 7-tarmaǵynda aıqyndalǵan, qatysty taraptardyń organdarymen konsýltasııalardy eskere otyryp, transshekaralyq kontekstte qorshaǵan ortaǵa áserdi baǵalaýdy ótkizý merzimi shamamen 6 aıdy quraıdy.
«Qorshaǵan ortany qorǵaý salasyndaǵy ýákiletti organ qoǵamdyq tyńdaýda kóterilgen máseleler boıynsha túpkilikti sheshimdi múddeli memlekettik jáne memlekettik emes organdarmen kelise otyryp qabyldaıdy», dedi S.Brekeshev.
