Turǵynnyń aıtýynsha, eskertkishke tabyný Islam sharıǵatyna sáıkes kelmeıdi. Alaıda, oblys ákimi Berdibek Saparbaev bul eskertkishtiń dinı negizdegi nysan emes ekenin túsindirdi.
«Mundaı eskertkishter tabyný oryndary emes. Kópshilik Jambyl oblysy dese, Áýlıeatany eske túsiredi. Tipti, birqatar azamattar bul jerdi Áýlıeata óńiri dep te ataıdy. Al, biz jas urpaqqa Áýlıeata kim ekenin tek sózben ǵana jetkizbeı, osyndaı eskertkishtermen uǵyndyra alamyz. «Áýlıe ata» eskertkishi - monýmenttik óner qurylysy. Jáne ol eskertkish ornatylǵan oryn týrısterge tarıhy tereń Tarazdyń keshegisin tanytyp, tynyǵýǵa arnalǵan.
Osy sekildi tarıhı, mádenı eskertkishter keleshek urpaqqa óz eliniń, jeriniń ótkenin tanytatyn qural sanalady. Keshegimizge qarap, bolashaǵymyzǵa baǵyt alatynymyzdy umytpaıyq. Qazaqstan - zaıyrly jáne quqyqtyq memleket. Dinı ustanymdar ár adamnyń ózindik nanym-senimine qaraı júrgiziledi. Eger sol eskertkishke tabynatyndar bolsa, beınebaqylaý kameralary arqyly anyqtalyp, tártip qadaǵalaýshylary tarapynan túsindirme jumysy júrgiziledi», dedi oblys ákimi.
