Reseı Federasııasynyń Densaýlyq saqtaý mınıstrligi murynǵa arnalǵan vaksınanyń klınıkaǵa deıingi zertteýi aıaqtalǵanyn habarlady.
Vaksına murynǵa arnalǵan spreı túrinde jasalyp jatyr. ǴZI dırektory Dmıtrıı Lıoznovtyń aıtýynsha, zertteý jasýshalar men janýarlarǵa júrgizilgen. Preparat óziniń tıimdiligi men qaýipsizdigin kórsetti. Qazir ǴZI eriktilerde klınıkalyq synaqtar ótkizýdi maquldaý úshin qujat daıyndap jatyr.
«Osy jyldyń sońynda nemese kelesi jyldyń basynda klınıkalyq zertteýlerdi bastaımyz dep úmittenemiz», dedi D.Lıoznov.
Mamandardyń málimdeýinshe, jańa vaksına - «Spýtnık V» sııaqty SARS-CoV-2 genetıkalyq materıalyn engizetin tumaýdyń álsiregen vırýsyna negizdelgen vektorlyq preparat.
