Shara barysynda aldaǵy bes jylǵa arnalǵan sybaılas jemqorlyqqa qarsy is-qımyl baǵdarlamasyn aıqyndaıtyn strategııalyq qujatty ázirleý tásilderi usynyldy. Buǵan deıin Memleket basshysy Qazaqstan halqyna Joldaýynda osyǵan baılanysty tıisti tapsyrma bergen bolatyn.
Otyrysty ashqan qoǵamdyq keńes tóraǵasy D. Qydyráli el úshin jáne onyń árbir azamaty úshin osyndaı mańyzdy aktini daıyndaý keńes qyzmetindegi alǵashqy joba ekenin aıtty. Ol atalǵan qujatty ázirleý azamattyq qoǵam men halyqty keńinen tartý arqyly júzege asyrylatynyn jetkizdi.
О́z kezeginde, Sybaılas jemqorlyqqa qarsy qyzmettiń basshysy M. Ahmetjanov bul qujattyń halyqtan shyǵýy kerek ekenin atap ótti.
«Sondyqtan kez kelgen adam tujyrymdamany ázirleýge tikeleı qatysa alady. Bizge el ishinen shyqqan usynystar óte mańyzdy», dedi ol.
Vedomstvo basshysynyń aıtýynsha, qujat jobalyq basqarý aıasynda ázirlenetin bolady. Ol mundaı tásildiń qoıylǵan mindetti sapaly ári merziminde oryndaýǵa múmkindik beretinin atap ótti.
«Prosestiń qolaılyǵy, bıýrokratııasyz tıimdi kommýnıkasııalardy qamtamasyz etý úshin Agenttik komandasy ulttyq joba keńsesinde ornalasady. Bizdiń qyzmetkerler árqashan osy jerde bolady. О́zderińiz kelip, basqa sarapshylardy shaqyra alasyzdar. Usynysty onlaın joldaýǵa bolady», dep túıindedi M. Ahmetjanov.
Otyrysta sondaı-aq azamattardan ótinish jınaý úshin arnaıy saıttyń eskızi (www.adal.com.kz) tanystyryldy.
