Aýǵanstannan oralǵan tórt otbasynyń bireýi - Kókshetaý qalasyna, qalǵany Atbasar, Býrabaı, Sandyqtaý aýdandaryna qonystanǵan.
«Aýǵanstannan elge kóshirilgen azamattar túgeldeı jumyspen qamtylady. Al balalaryn jastaryna qaraı mektepke, balabaqshaǵa ornalastyramyz. Otbasynyń árbir múshesine 204 myń teńge kóleminde bir rettik qarjylaı kómek kórsetý kózdelgen. 1 jylǵa deıin baspana jaldaý, kommýnaldyq tólem úshin de 15-ten 30 aılyq eseptik kórsetkish mólsherinde aqshalaı qoldaý qarastyrylǵan», dedi Aqmola oblystyq jumyspen qamtýdy jáne áleýmettik baǵdarlamalardy úılestirý basqarmasynyń basshysy Dına Ahmetjanova.
