El jáne Elbasy • 23 Qyrkúıek, 2021

Qasym-Jomart Toqaev «Otpantaý-2021» áskerı oqý-jattyǵý jıynyna qatysty

316 ret kórsetildi

Prezıdent - Joǵarǵy Bas qolbasshy Mańǵystaý oblysyndaǵy «Oımasha» polıgonynda «Otpantaý-2021» áskerı oqý-jattyǵýyn tamashalady, dep habarlaıdy Egemen.kz Aqordanyń resmı saıtyna silteme jasap.

Joǵarǵy Bas qolbasshy Bas shtabtyń aldyńǵy qatarly basqarý pýnktin aralaı otyryp, Qorǵanys mınıstriniń, Áýe qorǵanysy kúshteri, Qurlyq áskerleri, Áskerı-teńiz kúshteri jáne desanttyq-shabýyldaý áskerleri qolbasshylarynyń, sondaı-aq Qaraǵandy oblysy ákiminiń baıandamalaryn tyńdady.

Qasym-Jomart Toqaev arnaıy maqsattaǵy bólimshelerdiń daıyndyǵyn tekserip, qarý-jaraq pen tehnıkanyń zamanaýı úlgilerin kórdi, sondaı-aq Aqtaý áskerı gospıtali men Mańǵystaý oblysyndaǵy avıasııalyq ınfraqurylym qurylysynyń tusaýkeserimen tanysty.

1

Oqý-jattyǵý ssenarııi qazirgi qarýly qaqtyǵystardyń tájirıbesine súıene otyryp, ártúrli áskerı toptardyń shartty qarsylasqa qarsy soǵysýynyń jańa formalary men ádisterin qoldanýdy qamtydy. Áskerler tobynyń búkil is-qımyldary kezinde áýe jáne jer ústi barlaý júrgizildi. Onyń nátıjeleri basqarý pýnktine jiberildi, sol jerden ushqyshsyz ushý apparattary men aralas avıasııalyq toptyń joǵary dáldikti soqqylaryn berý úshin maqsat qoıyldy. Oqý-jattyǵý barysynda áskerlerdiń joǵary utqyrlyǵyn qamtamasyz etýge erekshe kóńil bólindi.

2

Prezıdentke onlaın-rejımde elimizdiń túrli óńirlerinde ótkizilgen Qarýly Kúshterdiń, vedomstvoaralyq toptardyń, sondaı-aq jergilikti atqarýshy organdardyń jáne ortalyq memlekettik organdardyń aýmaqtyq bólimsheleriniń is-áreketteri usynyldy. Atap aıtqanda, Kaspıı teńiziniń akvatorııasynda Áskerı-teńiz kúshteri avıasııa men arnaıy operasııalar kúshteriniń qoldaýymen eldiń ekonomıkalyq qyzmet obektilerin qorǵaý boıynsha is-qımyldar júrgizdi. Tıisti áskerı oqý-jattyǵýlar Qaraǵandy oblysyndaǵy «Saryshaǵan», «Spassk» jáne Almaty oblysyndaǵy «Kóktal» polıgondarynda ótti.

3

Is-shara barysynda Joǵarǵy Bas qolbasshy áskerı qyzmetshilerge «Oımasha» polıgonynda jattyǵýlar ótkizýdiń mańyzdylyǵyn atap ótti.

«Bul tarıhı oryn – bizdiń memlekettiligimizdiń, batyrlyǵymyzdyń, halqymyzdyń birligi men tutastyǵynyń sımvoly. Shekaralarǵa qaýip tóngen jaǵdaıda ata-babalarymyz osy taýdyń basynda sıgnaldyq ot jaǵyp, sheshýshi sátte bir týdyń astyna jınaldy. Sondyqtan ony halyq «Birlik oty» dep ataǵan. Bizdiń jaýyngerlerimiz Otpantaý eteginen týǵan jerin qorǵaýǵa attandy. Munda ult taǵdyry sheshilgen mańyzdy jınalystar ótti. Bul dástúr búgingi kúnge deıin saqtaldy. Biz batyrlarymyz týraly estelikti qasterleımiz jáne dástúrler sabaqtastyǵyn saqtaımyz. Eń bastysy, biz ata-babalarymyz mura etken Otanymyzdy qorǵaıtyn bolamyz», dedi Qasym-Jomart Toqaev.

4

Prezıdent áskerı oqý-jattyǵýlarda jaqsy nátıjeler kórsetip otyrǵan elimizdiń Qarýly Kúshteri daıyndyǵynyń joǵary deńgeıin atap ótti. 

«Áskerde qazirgi zamanǵy syn-tegeýrinder men qaýip-qaterlerge ázirlikti qamtamasyz etetin jańǵyrtýdyń turaqty prosesi júrip jatyr. Arnaıy operasııalar kúshteri, barlaý bólimderi men arnaıy maqsattaǵy bólimsheler belsendi damýda. Dıversııaǵa qarsy áreketter pysyqtalýda. Joǵary dáldiktegi qarý men pılotsyz quraldardy qoldaný keńeıýde», dedi Prezıdent.

5

Joǵarǵy Bas qolbasshy oqý-jattyǵý elimizdiń ártúrli óńirlerindegi jeti oqý polıgonynda jáne Kaspıı teńizi akvatorııasynda ótkizilgenin, al olardyń shyǵystan batysqa deıingi aýqymy úsh myń kılometrdi quraǵanyn atap ótti.

«Jeke quram men tehnıkany óz betimen, temirjol jáne áýe kóligimen tasymaldaý pysyqtaldy. Bul Qarýly Kúshterdiń strategııalyq utqyrlyǵyn, qaýip tóndiretin negizgi baǵyttarda áskerı toptardy jyldam qurý múmkindigin kórsetti. Jedel josparda shtabtardyń úılesimdi jumysyn, joǵary tehnologııalyq qarý-jaraq pen jaýyngerlik is-qımyldardy josparlaý ádistemelerin qoldanýdy kórdik. Ákimdikter de daıyndyq deńgeıiniń óskenin kórsetti. Olardyń qazirgi «stress-testterdegi» róli áskerı quramnan kem emes», dedi ol.

6

Joǵarǵy Bas qolbasshy áskerı qyzmetshilerdi keshendi áleýmettik qorǵaý máselelerine de toqtaldy.

«Aqshalaı úles birtindep artyp keledi. Bıyldan bastap laýazymdyq jalaqy 35%-ǵa ósti. Aldaǵy eki jylda olar orta eseppen 60%-ǵa ósedi. Áskerı qyzmetshilerdiń barlyq sanattary úshin turǵyn úı máselesi zańnamalyq deńgeıde sheshildi. TMD-nyń basqa elderi jaǵdaıynda qazaqstandyq áskerı qyzmetshilerdiń áleýmettik paketi básekege qabiletti bolyp tabylady. Áskerı qyzmetshilerdi áleýmettik qorǵaý árqashan memlekettiń basty basymdyqtarynyń qatarynda bolady. Myqty armııa - qýatty egemen Qazaqstan», dep esepteıdi Prezıdent.

7

Qasym-Jomart Toqaev barlyq áskerı qyzmetshilerge minsiz qyzmeti úshin shyn júrekten alǵys aıtyp, olardyń memleketimizdiń qaýipsizdigin senimdi qorǵaıtynyna senim bildirdi.

8

9

11

Sońǵy jańalyqtar

Jyl sózi

Álem • Búgin, 20:36

Energetıka – ekonomıka draıveri

Ekonomıka • Búgin, 20:31

Quldyramaıtyn qundylyq

Tanym • Búgin, 20:20

Birjaqty baılam hám batyl baǵdar

Pikir • Búgin, 20:08

Birde-bir shaǵym eskerýsiz qalmaıdy

Qazaqstan • Búgin, 19:55

Býrkına-Faso astanasynda oq atyldy

Álem • Búgin, 19:17

Almatynyń ońtústiginde jer silkindi

Aımaqtar • Búgin, 17:38

Almatyda qurylys krany qulady

Oqıǵa • Búgin, 14:21

Aýǵanstanda jarylys boldy

Álem • Búgin, 12:21

Álemdegi eń úlken muzdyq erip ketti

Ekologııa • Búgin, 11:05

Uqsas jańalyqtar