Qoǵam • 24 Qyrkúıek, 2021

Arnaýly áleýmettik qyzmet tizbesi keńeıtildi

35 ret kórsetildi

Qazaqstanda jalǵyzbasty zeınetkerlerge ǵana emes, sondaı-aq jaqyn týystarynyń kómeginsiz qalǵan, otbasy ishindegi janjalǵa baılanysty qıyn jaǵdaıda júrgen qart adamdarǵa da úıde arnaýly áleýmettik qyzmet kórsetiletin bolady, dep jazady Egemen.kz.

Tıisti ózgerister «Arnaýly áleýmettik qyzmetter kórsetetin uıymdar qyzmetiniń qaǵıdalaryn bekitý týraly» Qazaqstan Respýblıkasy Eńbek jáne halyqty áleýmettik qorǵaý mınıstriniń 2018 jylǵy 29 tamyzdaǵy № 379 buıryǵyna ózgerister men tolyqtyrýlar engizý týraly» Qazaqstan Respýblıkasy Eńbek jáne halyqty áleýmettik qorǵaý mınıstriniń buıryǵynda kózdelgen.

Atalǵan normany Bala quqyqtary jónindegi ýákil Arýjan Saın, Parlament Májilisiniń depýtattary, belgili qoǵam qaıratkerleri, ÚEU jáne JAO ókilderi usyndy.  

Sondaı-aq, barlyq medısınalyq-áleýmettik mekemede mindetti túrde beınebaqylaý kamerasyn ornatýdy qarastyratyn ózgerister engizildi. Kamera uıymǵa irgeles jatqan aýmaqtyń alańy boıynsha, negizgi jáne qosalqy kireberisterdiń janynda, sondaı-aq úı-jaılar men ortaq paıdalanylatyn kabınetterde ornatylady. Jazbalardy MÁM-degi týystary men jaqyn adamdary kóre alady. Budan basqa, qujatta qajet bolǵan jaǵdaıda medısınalyq-áleýmettik mekemelerde turatyn barlyq adamǵa ınternetti qoljetimdi etý kórsetilgen.

Aıta ketý kerek, halyqty áleýmettik qorǵaý júıesinde 23 myńnan astam adamdy qamtıtyn stasıonarlyq úlgidegi 113 MÁM jumys isteıdi.

Sonymen qatar, qajet bolǵan jaǵdaıda qar, kúl shyǵarý, kómirdi qazandyqtarǵa jetkizý jáne basqa da maýsymdyq jumystardy oryndaý maqsatynda «traktor» pozısııasyn qosa otyryp, stasıonarlyq úlgidegi MÁM avtokólik quraldarynyń lımıtin keńeıtý kózdeledi. Bul kólik quralynyń bolýy aýyldyq eldi mekenderde ornalasqan MÁM úshin qajet.

«Joǵaryda atalǵan salalyq buıryq jergilikti atqarýshy organdar men qoǵamdyq birlestikterden arnaýly áleýmettik qyzmetter kórsetý salasyndaǵy NQA-ǵa ózgerister engizý boıynsha 150-ge jýyq usynys jınalyp, taldanǵannan keıin ázirlengen», dep jazady Eńbek jáne halyqty áleýmettik qorǵaý mınıstrligi.

Sońǵy jańalyqtar

Instagram balalar qaýipsizdigin kúsheıtedi

Mýltımedıa • Búgin, 17:32

Bapker: Konor jekpe-jekti saǵynyp júr

Jekpe-jek • Búgin, 15:53

Aqyly joldarda qandaı jeńildikter bar?

Aımaqtar • Búgin, 15:22

Jańa salmaq jańa múmkindik pe?

Boks • Búgin, 12:07

Uqsas jańalyqtar