Elorda • 24 Qyrkúıek, 2021

Elordada Rýdakıdiń eskertkishi ashyldy

61 ret kórsetildi

Senat Tóraǵasy Máýlen Áshimbaev pen Qazaqstanǵa resmı saparmen kelgen Tájikstan Olı Majlısi Mıllı Majlısiniń tóraǵasy Rýstamı Emomalı aqyn, tájik jáne parsy klassıkalyq ádebıetiniń negizin qalaýshy Ábý Abdallah Rýdakıdiń eskertkishin ashý rásimine qatysty, dep jazady Egemen.kz Senattyń baspasóz qyzmetine silteme jasap.

Foto: E.Úkibaev

Eskertkishtiń ashylý saltanatynda sóz sóılegen Máýlen Áshimbaev bul shara Qazaqstan astanasynyń mádenı ómirindegi mańyzdy oqıǵa ekenin jáne Qazaqstan-tájik yntymaqtastyǵynyń damý tarıhyna enetinin atap ótti.

«Qazaqstanda uly aqyn Ábý Abdalla Rýdakıdiń shyǵarmashylyq murasyn joǵary baǵalaıdy. Onyń poezııasy álemdik mádenıettiń qazynasyna endi. Omar Haııam, Nızamı, Fırdoýsı, Djámı jáne Rýmı sııaqty Shyǵystyń kórnekti aqyndary men jazýshylary Rýdakıdiń shyǵarmashylyǵynnan ósip shyqty. Búgin biz onyń aty berilgen kóshende tájik jáne parsy klassıkalyq ádebıetiniń negizin qalaýshy Abý Abdallah Rýdakıge eskertkish ashamyz. Dýshanbede qazaqtyń uly oıshyly Abaı atyndaǵy kóshe bar ekenin bilemiz. Ekijaqty qarym-qatynastarda mádenı-rýhanı baılanystar árdaıym berik kópir jáne irgetas bolyp qala beredi. Kórnekti tulǵalarymyzdyń estelikterin qurmetteý bizdi qýantady», dedi Senat Tóraǵasy.

Osy kúni eki el parlamentteri palatalarynyń tóraǵalary Qazaqstan Respýblıkasyndaǵy Tájikstan Respýblıkasynyń jańa Elshiliginiń qurylys ornyna alǵashqy tas qalaýdyń saltanatty rásimine qatysty.

1

Sońǵy jańalyqtar

Omıkron álemniń 20 memleketinen tabyldy

Koronavırýs • Búgin, 00:00

Altaı úzdikteri anyqtaldy

Aımaqtar • Keshe

Bir oblys «qyzyl» aımaqta tur

Koronavırýs • Keshe

Uly dala muralary

Elorda • Keshe

Eki júlde – «egemendikterde»

Egemen Qazaqstan • Keshe

Tbılısıde top jardy

Sport • Keshe

Kardıng shabýyly

Qoǵam • Keshe

Uqsas jańalyqtar