«Konferensııa UǴDSDO ataýynyń ózgerýi men elimizdiń kórnekti saıası qaıratkeri, medısına ǵylymdarynyń doktory, alǵashqy áıel Densaýlyq saqtaý mınıstri Salıdat Qaıyrbekovanyń esiminiń berilýine oraılastyrylǵan. Sondaı-aq, is-shara Qazaqstan Respýblıkasy Táýelsizdiginiń 30 jyldyǵyna arnaldy», dep jazylǵan uıymnyń baspasóz habarlamasynda.
Sharada Dúnıejúzilik Densaýlyq saqtaý uıymynyń (DDSU), BUU Balalar qorynyń (IýNISEF), BUU halyq qonystanýy salasyndaǵy qorynyń (IýNFPA), halyqaralyq jáne sheteldik uıymdardyń, QR Densaýlyq saqtaý mınıstrliginiń, vedomstvolyq baǵynysty uıymdardyń, jergilikti atqarýshy organdardyń, «Atameken» QR UKP ókilderi jáne ǵylymı-akademııalyq ortanyń ókilderi sóz sóıledi.
Konferensııanyń plenarlyq otyrysyn ashqan QR Densaýlyq saqtaý mınıstri Alekseı Soı elimizdiń densaýlyq saqtaý júıesi KVI pandemııasyna baılanysty týyndaǵan syn-qaterlerge ekinshi jyl qarsy turyp jatqanyn atap ótti.
«KVI boıynsha álemdegi jáne eldegi kúrdeli epıdemıologııalyq jaǵdaı sanıtarlyq-epıdemıologııalyq qyzmettegi birqatar problemany anyqtady. Bul, eń aldymen, juqpaly aýrýlardyń aldyn alý, baqylaý jáne áreket etýde anyq baıqaldy. Koronavırýstyq ınfeksııa pandemııasy densaýlyq saqtaý júıesin sıfrlandyrýdy damytý kerek ekenin de aıqyn kórsetti. Osy jáne basqa da problemanyń barlyǵy sala deńgeıinde de, ulttyq deńgeıde de tıimdi sheshim qabyldaýdy talap etedi. Osyǵan baılanysty konferensııa ulttyq júıeni damytýdaǵy barlyq máseleni talqylaý jáne sheshý alańyna aınalady dep oılaımyn», dedi A.Soı.
Konferensııanyń ashylýynda QR Premer-Mınıstriniń orynbasary Eraly Toǵjanovtyń úndeýi oqyldy.
«Densaýlyq saqtaýdyń qazirgi zamanǵy, qoljetimdi jáne tıimdi júıesin qurý Elbasynyń «Qazaqstan-2050» Strategııasynda aıtylǵan uzaq merzimdi saıası baǵyttyń birinshi kezektegi maqsaty, sondaı-aq Qazaqstan Respýblıkasynyń 2025 jylǵa deıingi damýynyń túıindi jalpyulttyq basymdyqtarynyń qataryna jatady. Búkil álem jáne bizdiń el koronavırýstyq pandemııa kezeńinde ulttyq densaýlyq saqtaý júıeleriniń memlekettiń turaqty damýyn qamtamasyz etýdegi róliniń mańyzdylyǵyn dáleldedi», delingen mátinde.
Sonymen qatar Eraly Toǵjanov dárigerler men medbıkelerdiń, sanıtarlyq-epıdemıologııalyq qyzmet mamandarynyń koronavırýspen kúrestegi qajyrly eńbegin joǵary baǵalady.
«Ulttyq densaýlyq saqtaý júıesiniń bolashaǵyna kóz júgirtsek, biz onyń halyqtyń densaýlyǵyna tónip turǵan jáne jańa qaýip-qaterlerge tótep berýge, COVID-19 jańa tolqynymen kúresý úshin barlyq múmkindikterdi paıdalanýǵa jáne sonymen birge negizgi medısınalyq qyzmetterdi usynýǵa turaqty daıyndyǵyn qamtamasyz etýimiz kerek», deıdi Eraly Toǵjanov.
Konferensııa jumysyna qatysqan sheteldik áriptester – DDSU eýropalyq aımaǵynyń aımaqtyq dırektory Hans Klıýge, uıymnyń Qazaqstandaǵy eldik keńsesiniń jetekshisi Kerolaın Klarınval, alǵashqy medısınalyq-sanıtarlyq kómek kórsetý jónindegi geografııalyq jaǵynan qashyq ornalasqan keńsesiniń (GQO) basshysy Melıta Iаkab Ulttyq ǵylymı densaýlyq saqtaýdy damytý ortalyǵynyń Salıdat Qaıyrbekovanyń atymen atalýymen quttyqtap, jyly lebizin bildirdi.
Konferensııa barysynda Salıdat Zekenqyzynyń eńbek joly, salada atqarǵan qyzmeti týraly beınerolık kórsetildi. Onda áriptester S.Qaıyrbekovanyń densaýlyq saqtaý júıesin damytýǵa, medısına qyzmetteriniń sapasyn arttyrýǵa, medısınalyq uıymdardy akkredıtteýge, lısenzııalaýǵa jáne basqa da oń ózgeristerge qosqan baǵa jetpes úlesin eske aldy.
QR Densaýlyq saqtaý birinshi vıse-mınıstri Marat Shoranov konferensııada 4 baǵyttan, 9 mindet, 22 kórsetkish jáne 74 is-sharany qamtıtyn 2021-2025 jyldarǵa arnalǵan «Ár azamat úshin sapaly jáne qoljetimdi densaýlyq saqtaý «Deni saý ult» ulttyq jobasyna toqtaldy. Spıkerler ulttyq joba boıynsha QR densaýlyq saqtaý júıesin damytýdyń qazirgi syn-tegeýrinderi men múmkindigi týraly oıyn bólisti.
UǴDSDO Basqarma Tóraǵasy Kamaljan Nadyrov Ortalyqtyń elimizdiń densaýlyq saqtaý júıesin damytýdaǵy rólin atap ótti, sondaı-aq negizgi jáne jańa baǵyttarǵa toqtaldy.
«Jańa mártebe úlken jaýapkershilik júkteıdi. Biz alǵa ǵylymı zertteýlerdi júrgizý týraly jańa baǵyt qoıyp otyrmyz. Budan basqa, uıym qurylymynda qazirdiń ózinde alǵashqy medısınalyq-sanıtarııalyq kómekti damytý ortalyǵy (MSAK), ulttyq jobalardy iske asyrý jónindegi jobalyq keńse quryldy. Atalǵan ortalyq qyzmetiniń basym baǵyttary – MSAK uıymdaryn jabdyqtaý jáne ınfraqurylymyn damytý, úzdik tájirıbe ortalyqtaryn, MSAK kadrlyq áleýetin damytý, sıfrlandyrý, qarjylandyrý men normatıvtik aktilerdi jetildirý, dári-dármekpen qamtamasyz etýdi taldaý», dedi K.Nadyrov.
Jalpy konferensııada alty 6 baǵyt boıynsha 36 baıandama oqyldy.
Sharada qoljetimdi jáne sapaly medısınalyq kómek, densaýlyq saqtaýdaǵy adamı resýrstardy damytý, epıdemıologııalyq boljaý men den qoıýdyń zamanaýı júıesin qalyptastyrý, qoljetimdi dárilik zattar men medısınalyq buıymdar, salaýatty ómir saltyn ustanatyn jáne buqaralyq sportty damytatyn turǵyndar úlesin arttyrý, medısınalyq kómekti qarjylandyrý tıimdiligin arttyrý taqyryptary talqyǵa tústi.
Halyqaralyq onlaın-konferensııa sońynda barlyq 6 parallel sessııanyń jumysy qorytyndylandy. Salıdat Qaıyrbekova atyndaǵy UǴDSDO Basqarma Tóraǵasy Kamaljan Nadyrov halyqaralyq jáne qazaqstandyq sarapshylarǵa alǵys bildirip, ulttyq densaýlyq saqtaý júıesin damytýda odan arǵy qadamdaryn belgileýde júıeli tásil men ashyq talqylaýdyń mańyzdylyǵyn, sondaı-aq densaýlyq saqtaý salasynda aldyńǵy qatarly ǵylymı jáne naqty derekter negizinde saıasatty qalyptastyrý qajet ekenin atap ótti.
