Oryndalǵan ótinishterdiń eń kóbi Almaty qalasynyń (16,9%), Mańǵystaý oblysynyń (14,0%), Nur-Sultan qalasynyń (12,9%) turǵyndary tarapynan joldanǵan. BJZQ saıtyndaǵy «Kórsetkishter» bóliminde salymshylardyń birjolǵy zeınetaqy tólemderin qandaı maqsattarǵa paıdalanýdy josparlaıtyny týraly egjeı-tegjeıli aqparat ornalastyrylǵan.
Qazirgi ýaqytta zeınetaqy jınaqtarynyń bir bóligin paıdalanýǵa ótinishti «Otbasy banki» turǵyn úı qurylys jınaq banki» AQ, «Qazaqstan Halyq banki» AQ, «Altyn Bank» AQ, «Bank SentrKredıt» AQ jáne «Bank Frıdom Fınans Kazahstan» AQ qabyldaıdy.
Birjolǵy zeınetaqy tólemi «Otbasy bankinde» ashylǵan arnaıy shotqa túskennen keıin alýshy ony alýdaǵy maqsatyn rastaıtyn qujattardy belgilengen merzimde usynýy tıis. Keshiktirilgen jaǵdaıda, qarajat BJZQ-ǵa qaıtarylady.
Aıta keteıik, osy ýaqytqa deıin 240,7 mlrd teńgeden asa soma BJZQ-ǵa qaıtaryldy, sebebi, qazaqstandyqtar qarajatty belgilengen merzimde paıdalanbaǵan.
Sondaı-aq, BJZQ emdelýge berilgen 40,1 mlrd teńgeden astam somaǵa 43 453 ótinishti oryndady. Bul rette alýǵa bolatyn ortasha soma shamamen 0,9 mln teńgeni quraıdy. Sonymen qatar osy maqsatta aýdarylǵan 6,1 mlrd teńge qaıtaryldy, bul qarajat ótinish berýshiniń ótinishi jáne ózge de sebepter boıynsha belgilengen merzimde paıdalanylmaǵan.
