«23 qyrkúıekte Qarjy naryǵyn retteý jáne damytý agenttigi, Almaty ákimdigi, Bank ombýdsmeni, bankter jáne qoǵamdyq birlestikter arasynda halyqtyń áleýmettik osal toptaryna jatatyn boryshkerlerdiń ıpotekalyq qaryzy úshin jalǵyz turǵyn úıin alyp qoıý jáne jalǵyz baspanasynan shyǵarý sharalaryn toqtata turýdy kózdeıtin ózara túsinistik pen yntymaqtastyq týraly memorandýmǵa qol qoıyldy», dep jazylǵan agenttik habarlamasynda.
Qujat qol qoıylǵan kúnnen bastap 12 aı boıy kúshinde bolady.
Ázirge mundaı kelisim tek Almaty qalasynyń ákimdigimen jasalǵan. Aldaǵy ýaqytta respýblıkanyń basqa óńirlerin de qamtý josparlanǵan.
