Konferensııany ashqan QR Syrtqy ister mınıstriniń birinshi orynbasary Shahrat Nuryshev is-sharaǵa qatysýshylardy Qazaqstannyń táýelsiz memleket retindegi qalyptasýy men damýynyń negizgi kezeńderimen tanystyrdy.
«Nur-Sultan men Beıjiń BUU, ShYU jáne AО́SShK sekildi kópjaqty qurylymdar aıasynda tıimdi yqpaldastyq ornatqan. 2013 jyly QHR Tóraǵasy Sı Szınpınniń «Bir beldeý, bir jol» bastamasyn Qazaqstan birinshi bolyp qoldady. «Qorǵas» ShYHO, Lıanıýngan teńiz porty, «Batys Eýropa – Batys Qytaı» halyqaralyq kólik dálizin qamtıtyn QHR-men birlese damytyp kele jatqan tıisti ınfraqurylym Qazaqstannyń tranzıttik-kóliktik áleýetiniń artyqshylyǵyn júzege asyrýda mańyzdy ról oınaıdy», dep jazady QR SIM baspasóz qyzmeti.
Dıplomat atap ótkendeı, atalǵan saladaǵy birlesken bastamalardy ary qaraı ilgeriletý úshin pandemııa saldarynan shektelgen eki memleket arasyndaǵy azamattar saparye jáne turaqty taýar tasymalyn tezirek qalpyna keltirý mańyzdy.
«Sonymen qatar pandemııamen kúrestegi yntymaqtastyq ózara qoldaýdyń mysaly bolyp tabylady», dedi Sh. Nuryshev.
Osy oraıda ol Qazaqstan alǵashqylardyń biri bolyp Ýhan qalasynyń turǵyndaryna gýmanıtarlyq kómek jibergenin, al Qytaı óz kezeginde birneshe aıdan keıin Qazaqstanǵa da kerek kezde gýmanıtarlyq kómek jáne dáriger jibergenin eske aldy.
Otandyq dıplomattyń aıtýynsha, munyń bári 30 jyl ishinde Qazaqstan men Qytaı bir-birine tek jaqsy kórshi ǵana emes, senimdi serikteske aınalǵanyn ańǵartady.
О́z kezeginde, QHR Úkimetiniń Eýrazııa isteri jónindegi arnaıy ókili Lı Hýeı Qytaı men Qazaqstan arasyndaǵy máńgilik jan-jaqty strategııalyq seriktestiktiń mazmundy sıpatyna joǵary baǵa berdi. Onyń aıtýynsha, búginde olardyń arasyndaǵy shekara eki eldi biriktiretin ózindik «dostyq pen tatý kórshilik kópiri» bolyp otyr.
Konferensııaǵa qatysýshylar Qazaqstannyń táýelsizdik jyldaryndaǵy saıası jáne áleýmettik-ekonomıkalyq jetistigi men eki el arasyndaǵy yntymaqtastyqtyń ózekti máleseleri boıynsha baıandama oqydy. Qytaılyq sarapshylar Qazaqstannyń halyqaralyq alańdaǵy tabysy men onyń qazirgi zamanǵy óńirlik jáne jahandyq máselelerdi sheshýge belsendi qatysýyn joǵary baǵalady.
Sonymen qatar is-shara barysynda Qazaqstan men Qytaı arasyndaǵy saıası, saýda-ekonomıkalyq, mádenı-gýmanıtarlyq yntymaqtastyqtyń aǵymdaǵy jaǵdaıy jáne damý perspektıvalary talqylandy.
Kezdesý sońynda konferensııaǵa qatysýshylar qazaqstandyqtardy táýelsizdiktiń mereıtoıymen quttyqtap, odan ári órkendeý men jańa tabystar tiledi.
Konferensııada otandyq taraptan QR Prezıdenti janyndaǵy Qazaqstannyń strategııalyq zertteýler ınstıtýtynyń, QR Tuńǵysh Prezıdenti – Elbasy Kitaphanasynyń, QR SIM janyndaǵy Syrtqy saıası zertteýler ınstıtýtynyń, Qytaıdy zertteý ortalyǵynyń, Nursultan Nazarbaev qory janyndaǵy Álemdik ekonomıka jáne saıasat ınstıtýtynyń basshylyǵy, Qytaı tarapynan – QQǴA, Qytaıdyń halyqaralyq problemalar akademııasy jáne Qytaıdyń zamanaýı halyqaralyq qatynastar akademııasynyń basshylyǵy sóz sóıledi.
