Eńbek kúni Qazaqstan Respýblıkasy Prezıdentiniń Jarlyǵymen 2013 jylǵy qarashada jumysshy mamandyqtaryna qurmet kórsetý dástúrlerin jańǵyrtý jáne erte jastan eńbektiń mańyzdylyǵyn túsiný maqsatynda bekitildi.
Bul kúndi merekeleýdiń negizgi maqsaty ónimdi eńbekti yntalandyrý, jastar arasynda jumysshy mamandyqtardy nasıhattaý jáne Prezıdenttiń Jalpyǵa ortaq eńbek qoǵamyn qurý jónindegi ıdeıasy sheńberinde jumysshy áýletteriniń kópjyldyq dástúrlerin nyǵaıtý bolyp tabylady.
Qazaqstanda osy kúnnen bastap «Eńbek ardageri» medali, eń joǵary dárejeli erekshelik belgisi - «Qazaqstannyń Eńbek Eri» (Geroı trýda Kazahstana) sııaqty marapattar taǵaıyndaldy. Mundaı sheshim qazaqstandyq qoǵamdaǵy eńbek adamynyń bedelin arttyrý maqsatynda qabyldandy.
«Eńbek ardageri» medalimen ekonomıkanyń ártúrli salalarynyń qyzmetkerleri jáne jalpy jumys ótili 40 jyldan astam, onyń ishinde keminde 10 jyl bir salada jumys istegen, sondaı-aq eńbek qyzmetinde eń joǵary nátıjelerge qol jetkizgen zeınetkerlik jasqa jetken adamdar nagradtalady.
«Qazaqstannyń Eńbek Eri» joǵary dárejesi Qazaqstan Respýblıkasynyń ekonomıkalyq jáne áleýmettik-gýmanıtarlyq damýyndaǵy asa úzdik jetistikteri úshin beriledi. «Qazaqstannyń Eńbek Eri» ataǵyna ıe bolǵan adamdarǵa aıryqsha erekshelik belgisi – Altyn juldyz jáne «Otan» ordeni tapsyrylady.
