Prezıdent • 27 Qyrkúıek, 2021

Uly Otan soǵysynyń ardageri Prezıdentke hat joldady

332 ret kórsetildi

Jaqynda 100 jasqa tolǵan Qaıyrly Jońqabaev soǵys ardagerlerine kórsetilgen qurmet úshin Memleket basshysy Qasym-Jomart Toqaevtyń atyna hat joldap, alǵys bildirdi. Bul týraly QR Prezıdentiniń baspasóz hatshysy Berik Ýálı facebook jelisindegi paraqshasynda jazdy, dep habarlaıdy Egemen.kz.

«Qurmetti Qasym-Jomart Kemeluly! Men Jońqabaev Qaıyrly Ýataıuly – Uly Otan soǵysynyń ardagerimin. Sizge ekinshi ret hat joldap otyrmyn. Aldyńǵy hatyma ózińizden jaýap alyp, rıza boldym. Men jaqynda 100 jasqa kelip, ǵasyr toıyma jettim. Meniń Sizge degen alǵysym sheksiz. Almaty qalasynyń ákimi Baqytjan Saǵyntaev Sizdiń meniń ǵasyr toıyma arnap joldaǵan quttyqtaýyńyzdy jetkizdi, sán-saltanatpen tabys etti. Odan soń Almatyda turyp jatqan úıimniń aýlasyna Ulttyq ulan sarbazdary quttyqtap kelip, áskerı orkestr oınap, erekshe iltıpat, qurmet kórsetti. Ulttyq ulan Bas qolbasshysynyń atynan syı-sııapat berdi», dep jazdy ol.

Mundaı qurmetten keıin BAQ betterinde ardager Qaıyrly Jońqabaev jaıly «Ǵasyr jasaǵan panfılovshy» degen maqalalar jarııalanǵan.

«Maǵan kórsetken osyndaı qurmetterińizge qart maıdangerdiń atynan úlken alǵysymdy bildirip, aq batamdy beremin. Osylaı, Jeńis sarbazdaryna kórsetip jatqan qurmetińiz, soǵystan qaıtpaǵan, maıdan dalasynda jáne keıin qaza bolǵan bozdaqtardyń rýhyna taǵzym etý dep túsinemin. Olardyń arýaqtary razy bolǵaı! Elimiz úshin atqaryp jatqan oń isterińiz tabysty bolsyn. Siz basqaryp otyrǵan Qazaq eli gúldene bersin!», dep jazylǵan soǵys ardageriniń hatynda.

Qaıyrly Ýataıuly 1921 jyly 10 qyrkúıekte Shyǵys Qazaqstan oblysy Samar aýdanynda dúnıege kelgen. Eńbek jolyn 1940 jyly ShQO Qulja orta mektebinde muǵalim bolyp bastaǵan. 1941 jyly qazan aıynda Panfılov dıvızııasynyń 23-shi gvardııalyq polkine Qyzyl Ásker jaýyngeri bolyp alyndy.


Sońǵy jańalyqtar

Tarazda Qonaev eskertkishi boı kóterdi

Aımaqtar • Búgin, 12:50

Qazaqstanda qansha adam vaksına aldy

Koronavırýs • Búgin, 10:42

Elimizde 1452 adamnan koronavırýs anyqtaldy

Koronavırýs • Búgin, 09:05

Uqsas jańalyqtar