Tennıs • 28 Qyrkúıek, 2021

Arýlar kortqa shyqty

35 ret kórsetildi

Nur-Sultanda erler arasynda ótken tennısshilerdiń asa iri halyqaralyq týrnıri aıaqtalǵan bette áıelderdiń WTA 250 Astana Open dep atalatyn dúbirli dodasy bastaldy. Júlde qory 235 000 AQSh dollaryn quraǵan jarysta álemniń birqatar memleketinen kelgen tanymal oıynshylar óner kórsetýde.

Aıtýly týrnır WTA Tour serııasyna jatatyndyqtan, oǵan tek álemdegi «TOP-100» oıynshylar ǵana qatysa alady. Al qalǵandary irikteý synynan ótýge tıis. Negizgi bá­se­kege joldama alý úshin birneshe qazaqstandyq ten­nısshi baq synady. О́kinishke qaraı, olardyń bireýiniń de joly bolmady. Atap aıtsaq, Tatıana Nıkolenko Natalıa Vıh­­lıansevaǵa, Gozal Aınıt­dı­nova belorýssııalyq Iýlııa Gotovkoǵa, Sofııa Chýr­sına polshalyq Ýrsýla Rad­van­­skaǵa, Dana Baıdáýlet uly­brıtanııalyq Ketı Býl­terge jáne Ekaterına Dmı­trı­chenko ýkraınalyq Valerııa Stra­ho­vaǵa ese jiberdi.

Jarystyń negizgi bó­li­ginde Qazaqstannyń tórt ten­­nısshisi kúsh synasý qur­­metine ıe boldy. Keshe Iýlııa Pýtınseva grýzııalyq Eka­terına Gorgodzemen oınasa, Anna Danılına fransııalyq Krıstına Mladenovıchpen sa­ıysqa tústi. Jibek Ku­lam­­baeva belgııalyq Elı­son Van Eıtvankke qarsy shyq­sa, Za­rına Dıas irikteý synynda top jarǵan oıyn­shylardyń birimen sheberlik baıqasady.

Aldaǵy kúnderi Astana Open týrnırinde joǵaryda esim­deri atalǵandardan bólek, chehııalyq Krıstına Plısh­kova, aýstralııalyq Arına Radıonova, belgııalyq Grete Mınnen, horvatııalyq Ana Konıýh, belorýssııalyq Vera Lapko syndy esimi sportsúıer qaýymǵa jaqsy tanys oıynshylar kortqa shyǵady.

Sońǵy jańalyqtar

Uqsas jańalyqtar