Nur-Sultanda jylytý maýsymy 23 qyrkúıekte bastaldy.
Pavlodarda áleýmettik nysandar jylýǵa 16 qyrkúıekten bastap qosyldy.
Petropavl turǵyndaryna jylý 20 qyrkúıekten bastap berildi.
Semeıdiń sol jaǵalaýyndaǵy úıler 25 qyrkúıekten bastap jylýǵa qosyla bastady. Qalanyń oń jaǵalaý bóliginde jylý jelileri men jylý kózderin iske qosý 28 qyrkúıekke josparlanǵan.
Sondaı-aq 25 qyrkúıekte Qaraǵandyda jylý berý maýsymy bastaldy. Qala ákiminiń aıtýynsha, kópqabatty turǵyn úılerdiń shamamen 80%-y jylýǵa qosylǵan. Bıyl Shahanda ortalyq jylytý qosylady.
Oblystyń ońtústik aımaqtarynda aýa raıy áli jyly, sondyqtan jylytý maýsymy keshirek bastalady.
О́skemende jylytý maýsymy 1 qazanda bastalady.
Eldiń ońtústiginde, batysynda jyly aýa raıy jylytý maýsymyn keshirek bastaýǵa múmkindik beredi.
Almatyda, qalyptasqan tájirıbege sáıkes, jylytý maýsymy aýa raıy bes kún boıy +8°C bolǵan jaǵdaıda bastalýy tıis. Alaıda, byltyrǵydaı, aýa raıy salqyn bolsa, jylytý maýsymy erterek bastalýy múmkin. Jylý jelileri 100% daıyn.
Shymkentte aýa raıy jaǵdaıyna baılanysty jylytý maýsymy shamamen 15 qazanda bastalady.
Túrkistanda 1 qarashadan bastap jylý berýdi josparlap otyr, biraq kúrt sýyq bolǵan jaǵdaıda bul merzim qaıta qaralýy múmkin.
Aqtaýda jylytý maýsymy kestege sáıkes 15 qazanda bastalady.
