Aımaqtar • 28 Qyrkúıek, 2021

Jemqorlyq faktisin habarlaǵandarǵa 4,5 mln teńge syıaqy berildi

86 ret kórsetildi

2020 jyldan bastap sybaılas jemqorlyq faktileri týraly habarlaǵan azamattardy yntalandyrýdyń jańa júıesi engizildi, dep habarlaıdy Egemen.kz Shyǵys Qazaqstan oblysynyń sybaılas jemqorlyqqa qarsy qyzmetine silteme jasap.

Qazirgi ýaqytta sybaılas jemqorlyq quqyq buzýshylyq týraly habarlaǵany úshin para nemese keltirilgen zalal somasy 1000 AEK-ten aspaıdy, qylmystyń aýyrlyǵyna baılanysty syıaqy 30-dan 100 AEK-ke deıin quraıdy.

Sybaılas jemqorlyq faktisi týraly 1000 AEK-ten astam zalal keltirgeni úshin syıaqy 10 paıyzdy quraıdy, biraq 4000 AEK-ten aspaıdy. Mysaly, eger para nemese keltirilgen zalal mólsheri 50 mln teńge bolsa, onda sybaılas jemqorlyq faktisi týraly habarlaǵan adam sot úkiminen keıin 5 mln teńge alady.

Bıyldan bastap Shyǵys Qazaqstan oblysynda sybaılas jemqorlyq faktileri týraly Oblystyq sybaılas jemqorlyqqa qarsy qyzmetine habarlaǵan 4,5 mln teńgeden astam somaǵa 6 azamat yntalandyryldy.

Bul rette bıyl syıaqynyń eń joǵary mólsheri 4 mln teńgeni, eń tómeni – 138 900 teńgeni qurady.

Sybaılas jemqorlyq faktileri týraly habarlaǵan, sondaı-aq oǵan ózge de jolmen járdemdesetin adamdardy qoldaý sybaılas jemqorlyqqa qarsy is-qımyl boıynsha pármendi tetik bolyp tabylatynyn atap ótý qajet. Sybaılas jemqorlyq faktisi týraly habarlaǵan adamdardy qorǵaý «sybaılas jemqorlyqqa qarsy is-qımyl týraly» Qazaqstan Respýblıkasy Zańynyń normalaryna sáıkes júzege asyrylady. Bul rette mundaı jaǵdaılar týraly habarlaǵan adam aqshalaı qarajatpen qamtylyp qana qoımaı, memlekettiń qorǵaýynda bolady. Mundaı adam týraly aqparat memlekettik qupııa sanalady.

Sońǵy jańalyqtar

Vaksına saldyrǵandar sany artty

Koronavırýs • Keshe

905 adamnan koronavırýs anyqtaldy

Koronavırýs • Keshe

Uqsas jańalyqtar