«Álemdik pandemııa adamzatty ekonomıkanyń ǵana emes, sonymen birge bizdiń kúndelikti ómirimizdiń barlyq salalaryna áser etken jańashyldyqtarǵa alyp keldi. Bızneste, bilim berýde aqparattyq tehnologııalardy qoldaný jyldamdyǵy men aýqymy aıtarlyqtaı ósti. Barlyǵy bizdiń dástúrimiz ben ádetterimizdi ózgertken jańa beıtanys júıege tap boldy», dedi AQDM basshysy.
Osy oraıda, ol BAQ-tyń róli burynǵydan da arta túsetinin atap ótti.
«Mınıstrlik jýrnalıster jumysyndaǵy kez kelgen kedergilerdi joıý jáne kásibı qyzmette kómek kórsetý basty mindet dep sanaıdy. Biz Mınıstrliktiń jáne jeke ózimniń atyma baspasóz konferensııalaryna jáne memlekettik organdardyń ǵımarattaryna kirýge qatysty syndy estımiz. Men sizderge osy máselelerge beı-jaı qaramaıtynymyzdy jáne jýrnalıster úshin úırenshikti oflaın-formatqa oralý úshin barlyq kúsh-jigerimizdi jumsaıtynymyzdy sendiremin. Barlyq memlekettik organdar qoljetimdi bolýy kerek», dedi Balaeva.
