Oblys ortalyǵyndaǵy «Bolashaq» saraıynda sándik-qoldanbaly qolóner úıirmesi ashyldy. Jas jetkinshekter beıneti bes batpan bolǵanymen, berekesi mol qolónerdi jaqsylap meńgerýge umtylýda. Dińin dert shalmaǵan, saý aǵashtyń kesindilerinen kóńili qalaǵan buıymdy beınelep oıyp shyǵaryp úırenýde. Keıin ony jalynmen jalatyp, otpen kúıdirý arqyly kórkemdeıdi. Uzaq ýaqytty, zor shydamdylyqty qajet etetin osy ónerdi úırenemin degen adamnyń boıynda tabıǵı eptilik, qarymdy qabiletpen qosa, temirdeı tózim de bolýy kerek eken.
– Sheberhana alty baǵytta jumys isteıdi. Negizinen 10-20 jas aralyǵyndaǵy jastar tárbıelenýde. Bıyl stend modelızmi atty jańa úıirme ashyldy, – deıdi úıirme jetekshisi Oljas Ahmetov. – Sabaqtar apta boıy ótkiziledi. Balalardyń qyzyǵýshylyǵy sonshalyqty, tipti demalys kúnderi de bas almaı jumys isteı beredi.
Ýaqyt ótken saıyn jas sheberlerdiń buıymdary kórkemdelip keledi. О́tken World Skills baıqaýynda júldeli orynǵa ıe bolypty. Shege qaǵa almaıtyn bozbala, ıne sabaqtaı almaıtyn boıjetken kóbeıgen zamanda qolóner syry kókiregin jylytqan, sheberlikke yntyzar jastardyń qatarynyń kóbeıýi quptarlyq-aq qadam.
Kókshetaý
