Bul týraly О́zbekstannyń Densaýlyq saqtaý mınıstrligi málim etti.
Vedomstvonyń habarlaýynsha, Bas memlekettik sanıtarlyq dáriger men Ulttyq tehnıkalyq ımmýnologııalyq saraptama kelisimine sáıkes, ata-analary nemese qaraýshylary ruqsat etken jaǵdaıda jasy 12-den asqan balalar Pfizer vaksınasyn erikti túrde saldyrta alady.
«12-15 jas aralyndaǵy balalarǵa ótkizilgen Pfizer vaksınasynyń klınıkalyq synamalary jaqsy nátıje kórsetti. Osyndaı keńesti Dúnıejúzilik densaýlyq saqtaý uıymy da berip otyr», delingen Densaýlyq saqtaý mınıstrliginiń habarlamasynda.
Vedomstvonyń habarlaýynsha, qyrkúıektiń ortasynda elge Pfizer vaksınasynyń 1,2 mıllıon dozasy jetkizildi. Bul preparat О́zbekstanda paıdalanýǵa ruqsat etilgen besinshi vaksına bolyp otyr.
Eske sala keteıik, О́zbekstanda vaksına salý naýqany 1 sáýirden bastaý aldy. Vaksınalaý AstraZeneca, ZF-UZ-VAC2001, «Spýtnık-V», Moderna jáne Pfizer preparattarymen júzege asyrylady.
Búgingi kúni О́zbekstanda 4 mıllıon adam tolyǵymen vaksına alǵan.
