«BAQ pen áleýmettik jelilerde talqylanyp jatqan qazaq tilinde bilim beretin mektepterdiń 1-synyp oqýshylaryna arnalǵan «Meniń altyn jazý úlgim» atty jazý dápterleri «8&8» baspasynda jaryq kórdi, avtory S.V. Trofımova. Bul dápter orta bilim berý uıymdary úshin bekitilgen oqýlyqtar men oqý-ádistemelik keshenderdiń bekitilgen tizbesine engizilmegen. Tıisinshe, memlekettik saraptamadan da ótpegen», delingen habarlamada.
Mınıstrliktiń málimetinshe, mektep oqýlyqtary men oqý-ádistemelik keshender QR «Bilim týraly» zańyna sáıkes saraptamadan ótedi.
«Oqý-ádistemelik keshen degenimiz – oqýlyqty súıemeldeıtin, mindetti talaptarǵa sáıkes ázirlengen ádistemelik nusqaýlyq, jumys dápteri, hrestomatııa, dıktanttar jınaǵy, tapsyrmalar men jattyǵýlar jınaǵy, kartografııalyq atlas. Atalǵan jazý dápteri sekildi qosymsha oqý basylymdaryn, oqýlyqtardy, dápterlerdi jáne basqa qosymsha materıaldardy tańdaý quqyǵy bilim berý uıymdaryna berilgen. Mundaı jaǵdaılardy boldyrmaý úshin joǵaryda kórsetilgen máselelerdi retteý múmkindigi qaralatyn bolady», dep habarlandy atalǵan vedomstvodan.
Osy oraıda mınıstrlik bekitilmegen basylymdar ashyq satalymda jáne ol ınternette de qoljetimdi ekenin eskertedi. Sondaı-aq elimizde qosymsha oqýlyqtar, ertegi jınaqtary men dápterlerdiń arnaıy bekitilmeıtini aıtyldy.
Aıta ketsek, áleýmettik jelide 1 synyp oqýshylaryna arnalǵan jazý dápterinde «О́l» degen jazýdyń bary jurtshylyqtyń talqysyna tústi.
