Qoǵam • 30 Qyrkúıek, 2021

Almatyda 4546 ata-ana ákimshilik jaýapqa tartyldy

24 ret kórsetildi

Almatyda qala ákiminiń orynbasary Erjan Babaqumarovtyń tóraǵalyǵymen kámeletke tolmaǵandardyń isi jáne olardyń quqyqtaryn qorǵaý jónindegi qalalyq vedomstvoaralyq komıssııanyń otyrysy ótti, dep habarlaıdy Egemen.kz.

Jıynnyń basty maqsaty – 9 aıdyń qorytyndysy boıynsha jasalǵan taldaý nátıjeleri negizinde kámeletke tolmaǵandar arasyndaǵy quqyqbuzýshylyqty aldyn alýǵa baǵyttalǵan is-sharalardyń tıimdiligin odan ári arttyrý boıynsha tıisti shara qabyldaý boldy. Jıyn barysynda Almaty aýdandarynda júrgizilgen jumystar men zańsyz áreketter boıynsha qabyldanǵan sharalar týraly esepter tyńdaldy.

Belgili bolǵandaı, Almatyda kámeletke tolmaǵandar arasyndaǵy quqyqbuzýshylyqtyń aldyn alý maqsatynda 11 jalpyqalalyq jedel-profılaktıkalyq is-shara ótken.

Komıssııa otyrystarynda kámeletke tolmaǵandardyń múddesi úshin túrli faktiler boıynsha 247 materıal qaraldy. Kámeletke tolmaǵandardyń oıyn-saýyq mekemelerinde (22.00-den keıin) jáne turǵyn úı-jaılardyń syrtynda (23.00-den keıin) túnde zańdy ókilderiniń erip júrmegeni úshin 4546 ata-ana ákimshilik jaýapqa tartyldy. 26 ata-anaǵa ata-ana quqyǵynan aıyrý túrindegi tótenshe shara qoldanyldy. 252 ata-ana bala tárbıesi boıynsha mindetterin tıisinshe oryndamaǵany úshin ákimshilik jaýapqa tartyldy.

Kámeletke tolmaǵan 473 bala qıyn ómirlik jaǵdaıdaǵy balalardy qoldaý ortalyǵyna jatqyzyldy. Kámeletke tolmaǵandardyń isi jónindegi ınspeksııa, málimetinshe, qala boıynsha kámeletke tolmaǵandarǵa qatysty qylmystar 2,6% tómendegen.

Sondaı-aq otbasy qıyn ómirlik jaǵdaıǵa tap bolǵan kámeletke tolmaǵandarǵa psıhologııalyq qoldaý kórsetýge erekshe nazar aýdarylady. Erjan Babaqumarov jasóspirimder arasyndaǵy quqyqbuzýshylyqtyń aldyn alý boıynsha ÚEU-men yntymaqtastyqty kúsheıtýdi tapsyrdy.

Sonymen birge kámeletke tolmaǵandar arasynda jáne olarǵa qatysty qylmystyń aldyn alý jónindegi úılestirý keńesiniń jumys aıasyn keńeıtý múmkindigi qaralatyn bolady.

Sońǵy jańalyqtar

Prezıdentke UQK tóraǵasy esep berdi

Prezıdent • Búgin, 17:50

Dollar arzandady

Qarjy • Búgin, 16:50

12 jastaǵy qyzdy tonaǵan ury ustaldy

Qazaqstan • Búgin, 14:42

Bıyl 93 eldi meken gazben qamtylady

Qazaqstan • Búgin, 14:01

Uly dalanyń ulaǵaty

Aımaqtar • Búgin, 12:23

Uqsas jańalyqtar