Aqtóbe oblysynyń sybaılas jemqorlyqqa qarsy qyzmetiniń habarlaýynsha, bıylǵy jyly 3 aqtóbelikke jalpy somasy 482 590 teńgeni quraıtyn syıaqy taǵaıyndalǵan. Olar Antıkorǵa aýyrlyǵy ortasha qylmystar týraly habarlaǵan.
«Árıne, bul bıznes jasaýdyń kózi emes. Árbir kelip túsken aqparat muqııat tekseriledi. Birjolǵy kótermeleý azamat bergen aqparat shyndyqqa sáıkes bolǵan jaǵdaıda nemese sybaılas jemqorlyqqa qarsy is-qımylda ózge de jolmen kórsetilgen járdemi jemqorlyq quqyq buzýshylyqty anyqtaýǵa, jolyn kesýge, ashýǵa jáne tergeýge yqpal etken bolsa jáne aıypty adamǵa qatysty sottyń ákimshilik jaza qoldaný týraly qaýlysy, qylmystyq is boıynsha zańdy kúshine engen aıyptaý úkimi bolǵan nemese qylmystyq is aqtalmaıtyn negizder boıynsha toqtatylǵan jaǵdaıda ǵana tólenedi», dep atap ótti oblystyq Antıkorda.
Paranyń, keltirilgen zalaldyń somasy ne usynylǵan jeńildik, kórsetilgen qyzmet quny 1000 AEK-ten aspaıtyn nemese zalaly joq sybaılas jemqorlyq boıynsha taǵaıyndalatyn birjolǵy aqshalaı syıaqy somasy 30-100 AEK arasynda belgilenedi. Iаǵnı, bul búgingi ólshemderge sáıkes 87 510 teńgeden 291 700 teńgege deıingi somany qamtıdy.
Máselen, sybaılas jemqorlyq týraly ákimshilik ister boıynsha - 30 AEK, onsha aýyr emes sybaılas jemqorlyq qylmystary boıynsha - 40 AEK, aýyrlyǵy ortasha qylmystyq ister boıynsha - 50 AEK, aýyr qylmystyq ister boıynsha - 70 AEK jáne asa aýyr qylmystar boıynsha 100 AEK mólsherindegi syıaqy qarastyrylǵan.
Al eger 1000 AEK-ten asatyn bolsa beriletin syıaqy atalǵan somanyń 10% quraıdy, biraq 4000 AEK-ten (11 668 000 teńgeden) aspaıdy.
Jemqorlyq týraly habarlaǵan azamat birjolǵy syıaqydan bas tartqan jaǵdaıda, gramotamen marapattalýy múmkin.
«О́z kezeginde, Sybaılas jemqorlyqqa qarsy qyzmet azamattardy jemqorlyqtyń kez kelgen kórinisteri boıynsha 1424 respýblıkalyq kol-ortalyǵyna habarlaýǵa shaqyrady. Qońyraý shalý tegin», dep jazylǵan habarlamada.
