Taraptar densaýlyq saqtaý salasyndaǵy ekijaqty yntymaqtastyq perspektıvalaryn talqylady.
Kezdesý basynda A.Soı Ketı Lıchke iltıpat bildirip, Ulybrıtanııanyń Qazaqstan Respýblıkasyndaǵy Tótenshe jáne О́kiletti Elshisi laýazymyna taǵaıyndalýymen quttyqtady. Mınıstr Qazaqstan-Brıtan úkimetaralyq komıssııasynyń jyl saıynǵy otyrysyn ótkizý yntymaqtastyqtaǵy mańyzdy máselelerdi keńinen qamtýǵa múmkindik beretinin atap ótti.
Sonymen qatar A. Soı ekonomıkalyq turaqtylyqty qamtamasyz etý jáne ınfeksııanyń taralýyna qarsy is-qımyl jasaý, COVID-19 taralýynyń aldyn alý jáne densaýlyq saqtaý júıesiniń sapasyn qamtamasyz etý úshin qabyldanǵan sharalar týraly aıtty.
«Qazaqstannyń vaksına tólqujatyn 6 el moıyndady: Vengrııa, Taıland, Mońǵolııa, Grýzııa, Qyrǵyz Respýblıkasy jáne Moldova Respýblıkasy. Búgingi tańda basqa eldermen vaksınasııa pasportyn ózara taný máselesi pysyqtalýda. Osyǵan baılanysty, Qazaqstan men Ulybrıtanııanyń vaksınasııalanǵan azamattarynyń transshekaralyq oryn aýystyrýy úshin shekteýlerdi joıý jónindegi máseleniń mańyzdylyǵy men ózektiligin atap ótip, vaksınasııa sertıfıkattaryn ózara taný máselesin qarastyrýdy usynamyz», dedi A.Soı.
COVID-19 taralýyna baılanysty saqtalyp otyrǵan turaqsyz jaǵdaıdy eskere otyryp, Mınıstr aǵymdaǵy epıdemıologııalyq jaǵdaı, sondaı-aq ony turaqtandyrý boıynsha júrgizilip jatqan sharalar boıynsha turaqty aqparat almasý túrinde áriptestikti jandandyrýdy usyndy.
Kezdesý sońynda A. Soı Ulybrıtanııanyń MSAK jónindegi Astana deklarasııasyn ilgeriletý týraly Dostyq elder tobyna qosylýyna jáne bastapqy býyn deńgeıinde medısınalyq kómek kórsetý sapasyn jaqsartýǵa baǵyttalǵan birlesken is-sharalardy iske asyrýǵa qatysýǵa múddeli ekenin bildirdi.
