QR Aqparat jáne qoǵamdyq damý mınıstri Qazaq radıosynyń 100 jyldyǵyna arnalǵan saltanatty sharada Táýelsizdikpen birge elimizdiń aqparat salasy da úlken ózgeristerden ótip, jańa deńgeıge kóterilgenin, sonyń ishinde, otandyq radıo óziniń baǵytyn aıqyndap, naqty damý jolyna túskenin atap ótti.
«Qazaq radıosy búginde elimizdiń 90% aýmaǵyna erkin taralady. Degenmen, buǵan deıin elimizdiń shekaralyq alys aımaqtaryna radıo únin jetkizý múmkin bolmaǵan edi. Biz osy máseleni sheshýdi byltyrdan bastap qolǵa aldyq. Ol úshin arnaıy Jol kartasyn qabyldadyq. Nátıjesinde, 2025 jylǵa deıin elimizdiń 95% terrıtorııasyna Radıomyzdyń úni jetetin bolady. Búgingi Radıo kúni merekesinde 40 aýylǵa Qazaq radıosyn qosyp otyrmyz. Jalpy jospar boıynsha aldaǵy ýaqytta shekaralas aýmaqtaǵy 400-den astam aýyl «Qazaq Radıosy» men «Shalqar radıosyna» qosylatyn bolady», dedi mınıstr.
