Bul týraly QR Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Qaısar Barjaqsynov málim etti.
«28 qyrkúıekte Glýbokoe aýdandyq sotynyń úkimimen Shyǵys Qazaqstan oblysy Glýbokoe aýdany ákiminiń orynbasary Qımasov 3 jylǵa bas bostandyǵynan aıyryldy. Ol aýdandyq turǵyn úı-kommýnaldyq sharýashylyǵy bólimimen aýdandyq mańyzy bar joldardy kútip ustaý boıynsha memlekettik satyp alý shartyna qosymsha kelisim jasaǵany jáne oryndalǵan jumystar aktilerine kedergisiz qol qoıǵany úshin kásipkerden 500 myń teńge somasynda para aldy degen kúdikke ilindi. Qımasov ómir boıy memlekettik qyzmette qyzmet atqarý quqyǵynan aıyryldy», dedi tergeýshi.
