Fýmıo Kısıda eldiń jańa, júzinshi premer-mınıstri laýazymyna saılandy. Daýys berý tikeleı efırde kórsetildi. Onyń qorytyndysy boıynsha Kısıda 458 daýystyń 311-in jınady, dep habarlady basylym.
Búgingi kúni Mınıstrler Kabınetiniń jańa quramy jarııalanady. Demalys kúnderi Kısıda mınıstrlik laýazymdarǵa barlyq kandıdattardy anyqtady. Úkimettiń 20 múshesiniń 13-i birinshi ret mınıstr atanbaq.
«Premer-mınıstr partııalar usynǵan kandıdattardyń kópshilik daýysymen tańdalady. Ár saıası qozǵalys óz kandıdatýrasyn usynady. Bıleýshi partııanyń mandattarynyń jartysynan kóbi bolǵandyqtan, Kısıdanyń saılanýy boljaldy», - delingen habarlamada.
Búgingi kúni Mınıstrler Kabınetiniń jańa quramy jarııalanady. Demalys kúnderi Kısıda mınıstrlik laýazymdarǵa barlyq kandıdattardy anyqtady. Úkimettiń 20 múshesiniń 13-i birinshi ret mınıstr bolady. Jasy eń úlken debıýtant 77-de bolsa, eń jas mınıstr 44 jasta.
Úkimettiń bas hatshysy Hırokaz Masýno bolady. Úkimettiń burynǵy quramynan jańa kabınetke úsh adam ótedi: Syrtqy ister mınıstri Tosımısý Motegı jáne Qorǵanys mınıstri Nobýo Kısı, Ǵylym jáne bilim mınıstrligin basqarǵan Koıtı Hagıýda ekonomıka, saýda jáne ónerkásip mınıstri bolady.
Kısıda saılanǵannan keıin parlamenttiń tómengi palatasyn 31 qazanda saılaý ótkizý úshin onyń ókilettik merziminiń aıaqtalýyna baılanysty taratýǵa nıetti ekenin aıtty.
