Kıodo aqparattyq agenttiginiń habarlaýynsha, resmı rásim Tokıodaǵy Imperator saraıynda ótti.
«Imperatordyń mınıstrler kabınetin bekitýi Japonııa konstıtýsııasyna sáıkes júzege asady. Saltanatty rásim kezinde mınıstrler kezekpen ımperatordan taǵaıyndaý týraly arnaıy qujat alady. Sharaǵa parlamenttiń qos palatasynyń spıkerleri men burynǵy Premer-Mınıstr Ioshıhıde Sýga qatysty», delingen habarlamada.
Syrtqy ister mınıstri Toshımısý Motegı men qorǵanys mınıstri Nobýo Kıshı Kıshıda úkimettegi qyzmetin saqtap qaldy. Bilim, mádenıet, sport, ǵylym jáne tehnologııa mınıstrligin basqarǵan Koıchı Hagıýda Ekonomıka, saýda jáne ónerkásip mınıstrligin basqardy.
Sonymen qatar, Japonııanyń jańa Premer-Mınıstriniń úkimetine úsh áıel mınıstr kirdi. Bıliktegi Lıberaldy-demokratııalyq partııanyń (LDP) prezıdenti bolý úshin Kıshıdamen talasqan Seıko Noda aımaqtyq ister mınıstri bolyp taǵaıyndaldy. Jańadan qurylǵan úkimettiń sıfrlandyrý mınıstrligin Karen Makıshıma basqarady, al Norıko Horıýchı eldiń koronavırýsqa qarsy júrgizilip jatqan vaksınasııasyn baqylaıdy.
Qarjy mınıstrliginiń jańa basshysy Tokıodaǵy Olımpıada jáne Paralımpıada oıyndaryna jaýapty burynǵy mınıstr Shýnıchı Sýzýkı boldy. Takaıýkı Kobaıashı Ekonomıkalyq qaýipsizdik mınıstri boldy.
