Pılottyq jobaǵa «Kaspıı Banki» men «Halyq banki» qatysady. Járdemaqy nemese áleýmettik tólem taǵaıyndaýdy resimdeý úshin osy bankterdiń biriniń mobıldi qosymshasynda memlekettik qyzmet kórsetý boıynsha bólimdi tabý, tıisti memlekettik qyzmetti tańdaý jáne derbes derekterdi óńdeýge kelisimdi rastaý qajet. О́tinimdi jibergennen jáne ony memlekettik organ qaraǵannan keıin taǵaıyndalǵan tólem somasy týraly PUSH-habarlama jáne SMS jiberiledi.
«Bul joba kelesi toǵyz aıda júzege asyrylady. Oń dınamıka men suranys bolǵan, sondaı-aq ekinshi deńgeıdegi bankter tehnıkalyq jaǵynan daıyn bolǵan jaǵdaıda joba pılottyq formattan qoldanystaǵy formatqa kóshiriledi dep josparlanýda. О́z kezeginde, memlekettik organdar basqa ekinshi deńgeıdegi banktermen yntymaqtasý jáne mobıldi qosymshalary arqyly kórsetiletin qyzmetterdiń tizbesin keńeıtý úshin ashyq», dep atap ótti Eńbekmıni Memlekettik qyzmetterdi taldaý jáne damytý departamentiniń dırektory Anar Tóleýbaeva.
Jańa servıs 5 qazannan bastap qoljetimdi bolady.
