«1 qazanda Qostanaı qalasynyń Ońtústik bóliminiń 102 pýltine 66 jastaǵy áıelden aryz tústi, ol óziniń 45 jastaǵy ulynyń otbasymen turatyn saıajaıdan shyqqan kúıi qaıta oralmaǵandyǵyn aıtty. Bul fakti boıynsha polısııa jedel-izdestirý sharalaryn bastady», deıdi Qostanaı oblysy PD baspasóz qyzmeti.
Departamenttegiler osy jaıtqa qatysty óz kinásin moıyndaǵan 34 jastaǵy Qostanaı qalasynyń turǵyny anyqtalǵanyn naqtylady.
«Ol jábirlenýshiniń denesin jasyrǵan jerdi kórsetti. Oqıǵa ornyn qaraý kezinde marqumnyń denesi Tobyl ózeniniń jaǵasynan tabyldy», deıdi Qostanaı oblystyq PD baspasóz qyzmeti.
Aldyn ala boljam boıynsha, qylmysqa adamdar arasyndaǵy ózara kıkiljiń sebep bolǵan.
«Jábirlenýshi alǵan dene jaraqattarynan kóz jumǵan, kúdikti dáleldi jasyrý maqsatynda máıitten qutylýdy jón kórgen. Qazirgi ýaqytta ol qamaýǵa alyndy, qajetti tergeý amaldary júrgizilýde», delingen Qostanaı oblystyq PD baspasóz qyzmetiniń habarlamasynda.
