Taraptar kezdesý barysynda HHI ǵasyrda álemdik qaýymdastyq kóptegen syn-qaterlermen betpe-bet kelgenin, onyń ishinde áleýmettik jáne dinaralyq qaqtyǵystarǵa sebep bolatyn dinı ekstremızmniń beleń alǵanyn atap ótti. Bul rette qordalanǵan máselelerdi sheshýdiń tıimdi strategııasyn ázirleý, sondaı-aq, dinder men konfessııalardyń, ulttar men ulystardyń úndestikte ómir súrýin qamtamasyz etý mańyzdy jumystardyń biri.
Qyrymbek Kósherbaev aımaqtyq jáne jahandyq deńgeıdegi konfessııaaralyq dıalogty nyǵaıtý bizdiń el ustanǵan saıasattyń basym baǵyttarynyń biri ekenin aıtty. Qazaqstan osydan 20 jylǵa jýyq ýaqyt buryn Álemdik jáne dástúrli dinder kóshbasshylarynyń sezdin ótkizý týraly strategııalyq usynysyn jarııalaǵan bolatyn. Bul bizdiń elimizdiń rýhanı kóshbasshylarmen syndarly dıalog ornatýǵa, zamanaýı syn-qaterlerge qarsy birlesken tıimdi jaýap tabýǵa umtylysyn dáleldeıdi.
Qyrymbek Kósherbaev Sheıh-Ýl-Islam Allahshúkir Pasha-Zadege Álemdik jáne dástúrli dinder kóshbasshylary sezdiniń jumysyna únemi ári belsendi qatysyp kele jatqanyna, Kavkaz musylmandary Basqarmasynyń konfessııaaralyq jáne dinaralyq dıalogty ilgeriletýge qatysty Qazaqstannyń usynystaryn qoldap otyratynyna rızashylyǵyn bildirdi.
