Ishki ister mınıstriniń orynbasary Murat Baımuqashev partııanyń saılaýaldy ýádelerin iske asyrý aıasynda polıseılerdiń, atap aıtqanda, áskerı-tergeý bólimsheleri qyzmetkerleriniń jalaqysy – 55%-ǵa, qatardaǵy jáne kishi basshy quramnyń jalaqysy – 33%-ǵa artqanyn aıtty. Sondaı-aq turǵyn úı máselesin sheshýge kómektesýde turǵyn úıdi jaldaý úshin ótemaqy alýǵa quqyǵy bar laýazymdar tizimi keńeıtildi. «Ol tizimge kezekshi bólimderdiń, aıdaýyl jáne kınologııalyq qyzmet bólimsheleriniń, patrýldik polısııa bólimsheleriniń qyzmetkerleri, jalpy alǵanda, 8 myńnan astam qyzmetker qosymsha engizilgen. Búgingi tańda bul áleýmettik kepildikpen ishki ister organdary qyzmetteriniń 72%-dan astamy nemese shamamen 24 myń adam qamtylǵan. Sonymen qatar, ótemaqy turǵyn úı tólemderiniń tetigine aýystyryldy, ıaǵnı bul – ıpoteka nemese turǵyn úıdi keıinnen satyp alý arqyly jalǵa alý», dedi M.Baımuqashev.
Budan basqa, partııanyń saılaýaldy baǵdarlamasy aıasynda «polısııanyń qadamdyq qoljetimdiligi» qaǵıdatyn qamtamasyz etý úshin Ishki ister mınıstrligi ákimdiktermen birlesip jańa ýchaskelik polısııa pýnktteriniń qurylysyn jalǵastyrýda. Alaıda bıyl josparlanǵan 78 ýchaskelik polısııa pýnktiniń 26-sy ǵana ashyldy. «Ýchaskelik polısııa pýnktteriniń qurylysy, sondaı-aq ony qarjylandyrý jergilikti bıýdjettiń menshiginde. Biz jergilikti máslıhattar men ákimdikterdiń sheshimderine táýeldimiz. Ishki ister mınıstrligi óz tarapynan 2023 jylǵa deıin óńir ákimderimen tıisti memorandýmdar jasasty», dedi ol.
Keńes múshesi, Májilis depýtaty Gúlnar Bıjanova Ishki ister mınıstrligi jergilikti jerlerdegi bıýdjet máselelerin sheshýde úılestirýshi ról atqarmasa, onda jańa ýchaskelik pýnktter paıda bolmaıdy dep atap ótti. Bul, ásirese, aýyldyq jerlerde ótkir másele deıdi depýtat. «Bir ýchaskelik polısııa ınspektory 3-4 aýylǵa qyzmet kórsetedi jáne olardyń eshqaıysynda óziniń jeke baspanasy joq, kóp jaǵdaıda ol basqa jaqtan kóship kelgen adam. Oǵan ákimdiktiń ǵımaratynan keńse beriledi. Al turatyn baspanasy, qarapaıym ǵana turmystyq jaǵdaıdyń ózi qarastyrylmaǵan. Keıbir aýyldarda oǵan turatyn jerdiń ornyna fermerlik sharýashylyq usynylǵan. Bul múldem durys emes», dedi G.Bıjanova.
О́z kezeginde sýdıa qyzmetine úmitkerlerdi irikteýdiń jańa tártibi týraly Joǵary sot Keńesi apparaty basshysynyń orynbasary Naıl Almabaev aıtyp ótti. Onyń aıtýynsha, bıyl úmitkerlerdiń jeke qasıetterine qoıylatyn talaptardy aıqyndaıtyn Sýdıalar quzyrettiliginiń biryńǵaı sheńberi engizgen.
«Partııanyń saılaýaldy baǵdarlamasyna sáıkes, sýdıalar korpýsyna kásibı kadrlardy tartý maqsatynda biz konkýrstyq irikteý rásimin júrgizdik, atap aıtqanda, 10 jyldan astam zańdy ótili bar kandıdattar úshin aldyńǵy 11 pánniń ornyna 8 pán boıynsha emtıhan ótkiziledi. Kandıdattardy irikteý kezinde salyq salý, jer qoınaýyn paıdalaný, zııatkerlik menshik, korporatıvtik quqyq salalaryndaǵy jumys tájirıbesi bar tulǵalarǵa basymdyq beriledi», dedi N.Almabaev.
Joǵarǵy sot janyndaǵy Sottardyń qyzmetin qamtamasyz etý departamenti basshysynyń orynbasary Asylbek Mýsralınov Keńes múshelerine sýdıalardyń jumysyna jasandy ıntellektti engizý jumysy boıynsha aıtyp berdi. Bul da Nur Otan-nyń saılaýaldy baǵdarlamasynda qarastyrylǵan. Atalǵan júıe sot praktıkasynyń birkelkiligin jáne presedenttik quqyqty engizýdi qamtyp qana qoımaı, sot aktileriniń barynsha ashyqtyǵy men qoljetimdiligin de qamtamasyz etedi dep josparlanýda. «Sýdıa qalyptasqan sot praktıkasyna qaıshy keletin sheshim qabyldaǵan jaǵdaıda, júıe Joǵarǵy sotqa dereý habarlaıdy. Osylaısha, biz qajet bolǵan jaǵdaıda, barlyq óńirdegi tómengi sottar sheshim qabyldaǵan kezde anomalııalarǵa mán beretin bolamyz», dedi ol.
Otyrys qorytyndysy boıynsha partııa músheleri Ishki ister mınıstrligine Almaty oblysyndaǵy 180-ge jýyq aýyldyq okrýgtik polısııa ýchaskeleriniń turǵyn úımen birge ashylǵanyn mysal keltirdi. Bul oń tájirıbeni barlyq aımaqtarǵa qoldaný kerek, dep túıindedi Keńes músheleri. Sonymen qatar keńeste birqatar usynymdar men usynystar tujyrymdaldy, olar ýákiletti vedomstvolar men jergilikti atqarýshy organdarǵa jiberiledi.
