«Jas sarbaz» jasóspirimder áskerı-patrıottyq qozǵalysy RQB elordalyq fılıaly uıymdastyrǵan bul is-shara Nur-Sultan qalasy ákimdigi, «Astana jastary» KMM, Qarýly Kúshterdiń Ulttyq áskerı-patrıottyq ortalyǵynyń jáne Nur-Sultan qalasy qorǵanys isteri departamentiniń qoldaýymen júrgizilip otyr. Ádettegideı áskerı bólimderdiń bazasynda kezektesip júrgiziletin jarystar bul joly qalamyzdaǵy Ulttyq ulannyń 5573 áskerı bóliminiń aýmaǵynda boldy.
Is-shara barysynda jas órenderge naǵyz áskerı ómirdiń qyr-syrlary tanystyrylyp, patrıottyq tárbıeleýge baǵyttalǵan jarystar uıymdastyryldy.
3 kúnge sozylǵan jıynda tárbıelenýshiler áskerı-qoldanbaly sport túrlerinen saıysqa tústi. Atap aıtar bolsaq, beltemirge tartylý, avtomatty bólshekteý, hımııalyq qarýdan qorǵanysh kostıýmin kııý, alǵashqy medısınalyq kómek kórsetý boıynsha normatıvterdi oryndaý, «Smart Sarbaz» robottehnıka saıysy. Áskerı bólim uıymdastyrýymen áskerı ansambli konserti, áskerı qarý-jaraqtar men tehnıkanyń túrleri, sarbazdardyń turmys-tirshiligi men oryndaıtyn tapsyrmalary, qolma-qol urys pen jekpe-jek tásilderi kórsetildi.
Saıystar boıynsha jalpy komandalyq esep jasalyp, úzdikter anyqtaldy. Jekelegen saıystar boıynsha úzdik kórsetkish kórsetken «Jas sarbaz» tárbıelenýshileri respýblıkalyq «Aıbyn» áskerı-patrıottyq jıynynda Nur-Sultan qalasynyń namysyn qorǵaıdy.
