Densaýlyq saqtaý mınıstrliginiń baspasóz qyzmeti bul aqparatty joqqa shyǵardy.
«QR Densaýlyq saqtaý mınıstriniń dáriger Irına Prokýshevamen kezdesýi týraly aqparat shyndyqqa janaspaıdy. Qazirgi ýaqytta vaksınasııany toqtatý jáne Ashyk júıesin alyp tastaý máseleleri qaralyp jatqan joq», dep habarlady vedomstvodan.
Almatylyq dáriger-gomeopat COVID-19-ǵa qarsy vaksınalar men erlerdiń belsizdigi arasyndaǵy baılanysty anyqtady degen tujyrym da kúmán týdyrady. Álemniń jetekshi ǵalymdarynyń pikirinshe, mRNQ platformasyndaǵy vaksınalar da, basqa ımmýndaý preparattary da adamdardyń reprodýktıvti júıesine teris áser etpeıdi.
Demek, áleýmettik jelilerde jarııalanǵan aqparat feık. Alekseı Soı Irına Prokýshevamen kezdespeıdi, búgingi kúni KVI qarsy vaksınasııa men karantındik sharalardy toqtatý máseleleri qarastyrylyp jatqan joq. Ǵalymdardyń zertteýleri COVID-19 qarsy vaksınasııanyń erler belsizdigimen baılanysyn joqqa shyǵarady.
